23:45 11 Теке 2020
Түз эфир
  • USD77.8000
  • EUR87.8362
  • RUB1.0922
Маданият
Кыскача шилтеме алуу
98 0 0

Улуу комузчуга арналган көргөзмө 25-октябрга чейин уланат.

БИШКЕК, 9-окт. — Sputnik. Бүгүн, 9-октябрда, Бишкектеги Токтогул атындагы адабият жана искусство музейинде белгилүү комузчу Ыбырай Тумановдун 130 жылдыгына арналган көргөзмө өтөт. Бул тууралуу мэриянын маалымат кызматы билдирди.

Ага ылайык, маданий иш-чара 9-октябрда саат 10:00дө башталат.

Көргөзмө Бишкек шаарынын мемориалдык музейлер бирикмесинин дирекциясы жана Токтогул атындагы адабият жана искусство музейи тарабынан уюштурулууда.

Иш-чарага бир катар маданий ишмерлер менен музыкалык окуу жайлардын студенттери катышат.

Көргөзмө 25-октябрга чейин уланмакчы.

Залкар комузчу Ыбырай Туманов Кыргыз ССРинин эл артисти. 1888-жылы Ысык-Көл облусунун Ак-Суу районундагы Ак-Булуң айылында туулган. Ал жети жашынан тарта комузда кол ойното баштаган.

Москвада өткөн кыргыз маданиятынын 1939 жана 1958-жылдары өткөн декадасына катышкан.

1939-жылы СССР композиторлор союзунун мүчөсү, 1951-жылы "Ардак белги" жана "Эмгек кызыл туу" ордени менен сыйланган.

Тема боюнча

Кыргызстандык режиссердун "Аврора" тасмасы Кореядагы фестивалда күч сынашууда
Тургунбай Садыков: искусствону түшүнүү үчүн бир гана нерсе керек...
Белгилер:
көргөзмө, Ыбырай Туманов, Бишкек

ЭҢ МААНИЛҮҮ