19:36 27 Бирдин айы 2020
Түз эфир
  • USD69.8500
  • EUR76.4683
  • RUB1.0646
Маданият
Кыскача шилтеме алуу
Көчмөндөрдүн дүйнөлүк III оюндары (211)
229 0 0

Ушу тапта жайлоодо даярдыктар жүрүп жатат.

БИШКЕК, 28-авг. — Sputnik. Көчмөндөр оюндарынын алкагында Кырчын жайлоосунда өтчү оюн-зоок 3-сентябрь күнү саат 15.00дө башталат. Бул тууралуу Sputnik Кыргызстан агенттигине оюндардын башкы режиссеру Алтынбек Максутов билдирди.

Анын айтымында, иш-чарага президент Сооронбай Жээнбековдун катышуусу күтүлүп жатат.

"Жолдо тыгын жаралбашы үчүн жана оюн-зоокту каалоочулардын баары көрүшү үчүн ушундай убакыт тандалды. Расмий бөлүгү жарым саатка, театрлаштырылган оюн-зооктун өзү бир саатка созулат. Аны менен катар эле этно-шаарчада жайгашкан бир нече ордо ачылып, фестиваль-сынактар өз ишин баштайт", — деди Максутов.

Режиссер ушу тапта Чолпон-Атадагы ат майданда экенин, бүгүн саат 14.00дө репетиция башталарын белгиледи.

"Массовкага 1600гө чукул киши катышат. Бүгүн катышуучуларды жайгаштырып, түштөндүргөндөн кийин репетиция баштайбыз. Ал эми Кырчында 25-августтан тарта каскадерлор машыгып жатат", — деди ал.

Эскерте кетсек, Көчмөндөр оюндарынын ачылыш салтанаты 2-сентябрь күнү Чолпон-Ата шаарындагы ипподромдо өтөт.

Тема:
Көчмөндөрдүн дүйнөлүк III оюндары (211)

Тема боюнча

Адашып кетсең 1262 номерине чал! Көчмөндөр оюнунда атайын кызмат иштейт
Көчмөндөр оюндарына 15 өлкөдөн ыктыярчы тартылды
Белгилер:
оюн-зоок, Алтынбек Максутов, Кырчын, Чолпон-Ата, Ысык-Көл облусу

ЭҢ МААНИЛҮҮ