БИШКЕК, 12-июн. — Sputnik. Жазуучу, публицист жана социолог Топчугүл Шайдуллаеванын чыгармачылыгына арналган "Карегимде өрүкзар" аттуу кече өтөт. Бул туурасында Роза Отунбаеванын демилгеси эл аралык фондусунан кабарлашты.
Шайдуллаеванын алгачкы "Жан шерик" аӊгемелер жыйнагы 2000-жылы басылып чыгып, "Жылдын эӊ мыкты китеби" сыйлыгына татыган. 2006-жылы "Ташка чыккан гүл", 2008-жылы "Акылкасас", 2011-жылы "Всему свое время", 2017-жылы "Кызыл өрүк" китептери жарык көргөн.
Шайдуллаева өрүкзарлуу Баткендин Кара-Булак айылында төрөлүп, бой тарткан. Кесиби журналист, социолог, социология илимдеринин кандидаты.
Анын аӊгемелери өзүнүн кичине көлөмүнө чоң ойду батыра алгандыгы менен айырмаланат. Шайдуллаева Кыргызстандын Жазуучулар, Журналисттер союздарынын жана Эл аралык жазуучулардын ПЕН клубунун мүчөсү, КРдин маданиятынын мыктысы.
