Чыңгыз хандын алдында жаңырган Манас. Манасчы Дөөлөт Сыдыков видеосу тууралуу

© Sputnik / Табылды КадырбековСемисуточный рассказ эпоса Манас
Семисуточный рассказ эпоса Манас - Sputnik Кыргызстан
Жазылуу
Сапардын алкагында белгилүү манасчы Дөөлөт Сыдыков жөнүндөгү тасма тартылмакчы

БИШКЕК, 23-мар. — Sputnik. Монголиянын борбор калаасы Улан-Батор шаарынын четиндеги Чыңгыз хандын эстелигинин фонунда манас айтып жаткан Дөөлөт Сыдыковдун видеосу 18 күндүк Манас айтуу иш-чарасы үчүн тартылган. Бул тууралуу Sputnik Кыргызстан агенттигине манасчы өзү айтып берди.

Сыдыковдун айтымында, ушу тапта Кыргызстандын түштүк жергесинде 18 күнгө созулган Манас айтуу өтүп жатат.

"Ырым кылып Чыңгыз хандын музей-комплексинде айттым. Мен отурган жер болжол менен аттын жалына туура келет. Эстелик аябагандай чоң таасир калтырды. Монгол элинин деми, күчү, кайраты ушул эстеликте чагылдырылыптыр", — деди манасчы.

Ал эми Монголияга барган топтун жетекчиси Гүлжан Иреш аталган өлкөгө төрт кишиден турган чыгармачыл топ иштегенин айтып берди.

"Менин кыргыз көчмөн өнөрүн дүйнөгө таанытуу долбоорумдун 2017-2018-жылдардагы сапарларында Манасты жайылтуу менен бирге даректүү тасма тартуу максаты коюлган. Былтыр Япониянын Хоккайдо аралындагы айну элине болгон сапарыбызда манасчы Камил Мамадалиев бир жума Манас айтса, быйыл Монголияда Дөөлөт Сыдыков улуу жомокту баяндады", — деди долбоордун жетекчиси.

Манасчы Дөөлөт Сыдыков. Архив - Sputnik Кыргызстан
Аян болбой, баян болбойт. Манасчы Дөөлөт Сыдыковду Айкөл ааламына аралаштырган өң-түш
Анын айтымында, Манас Чыңгыз хандын ири музей комплексинде искусство институтунун студенттерине айтылган.

Эскерте кетсек, Чыңгыз хандын ат минип турган эстелиги Улан-Батордун борбордук бөлүгүнөн түштүк-чыгышты көздөй 54 чакырым алыстыктагы Цонжин-Болдог аймагында жайгашкан. 10 метрлик постаментин эсепке албаганда эстеликтин бийиктиги 40 метрди түзөт. Ал эми эки кабаттуу постаментте сүрөт галереясы, гунн доорунун музейи, жыйындар залы, ресторандар жана сувенир саткан дүкөндөр жайгашкан.

Айкел 2008-жылдын 26-сентябрында расмий ачылган.

Жаңылыктар түрмөгү
0