БИШКЕК, 10-ноя. — Sputnik. Бүгүн Бишкекте акын жана котормочу Ташмат Арыковдун "Эл деген кары-жашка кеңеш берет, эл деген океандай элес берет" аттуу китеп-сүрөт көргөзмөсү жана "Сүйүүдөн кумар тарабайт" китебинин бет ачары болот. Бул тууралуу иш-чара өтө турган Улуттук китепканадан билдиришти.
"Көргөзмөгө мамлекеттик жана коомдук ишмерлер, акын-жазуучулар, маданияттын, илимдин кызматкерлери, ЖМК өкүлдөрү катышат", — деп айтылат билдирүүдө.
Акын Ташмат Арыков Москва районундагы Кош-Дөбө айылында туулган. 1963-жылы Кыргыз мамлекеттик университетинин журналистика бөлүмүн бүтүргөн. Анын ырлары басма сөз беттеринде жарыяланган.
Ал Гомердин, Рудакинин, Саадинин, Жаминин, Шафинин, Есениндин, Хикметтин, Гамзатовдун, Каримдин, Кугультиновдун айрым ырларын кыргыз тилине которгон.
