БИШКЕК, 5-окт. — Sputnik. Ош шаарынын күнүн белгилөө иш-чарасына чет мамлекет шаарларынан делегация келгенин калаа мэриясынын маалымат кызматынан билдиришти.
Оштун мэри Айтмамат Кадырбаев делегация мүчөлөрү менен жолуккан. Майрамдык иш-чарага Новосибирск (Россия), Йозгата менен Амасии (Түркия), Хожент (Тажикстан), Анжиян (Өзбекстан), чет мамлекеттердин Оштогу консулдары, өкмөттүн Оштогу ыйгарым укуктуу өкүлдөрү, шаардык кеңештин депутаттары, шаар аксакалдары жана эл аралык уюмдардын мүчөлөрү катышкан.
Өзүнүн куттуктоо сөзүндө Кадырбаев мындан ары дагы эл аралык мамилелерди бекемдөөгө, маданий-экономикалык байланыштарды чыңдоого даярдыгын билдирген.
"Ош шаары ар бир келген конокко сый-урматын көрсөтүп, меймандостугу менен таанымал. Эки тараптуу мамилелер мындан ары дагы өрчүй турганын ишеним менен айта алам", — деп калаа жетекчиси билдирген.
Конокко келген делегация мүчөлөрү өз учурунда калаа тургундарын майрамы менен куттуктап, бардык тармактар боюнча кызматташууга даяр экендиктерин билдиришкен.
Шаар күнүнө карата пландалган маданий иш-чаралардын программасын Sputnik Кыргызстан агенттигинин материалынан окуңуздар>>
