ОШ, 4-сент. — Sputnik. Бабур атындагы өзбек драмалык театрынын артисттери Лондон шаарында драматург Уильям Шекспирдин "Ричард — 3" трагедиялык чыгармасын коет. Бул тууралуу аталган театрдын жетекчиси Набижан Мамажанов Sputnik Кыргызстан агенттигине билдирди.
Спектакль Кыргызстан менен Британиянын дипломатиялык алакаларынын 25 жылдыгына жана Шекспирдин 450 жылдык мааракесинин урматына арналып кыргыз, орус, өзбек, англис тилдеринде тартууланат.
Анын айтымында, гастроль 2017-жылдын октябрь айынын соңунда башталат.
"Спекталдин режиссеру теги кыргызстандык, ал эми өзү бир канча жылдан бери Британияда жашап жүргөн Йулдаш Журабаев. Артисттердин Лондонго болгон сапарын жеке демөөрчүлөр каржылайт", — дейт Мамажанов.
Ал "Ричард — 3" Globe театрына коюларын кошумчалады.
