БИШКЕК, 31-авг. — Sputnik. Өзбекстанда өткөн "Шарк тароналари" фестивалында кыргызстандыктар экинчи орун алды. Аларга 5 миң доллар өлчөмүндөгү акчалай сыйлык дагы берилгенин Sputnik Өзбекстан маалымат агенттиги билдирди.
Самарканд шаарында аталган фестивалдын гала-концерти 30-августта болуп, анда конкурстун жыйынтыгы чыгарылды. Музыкалык бул фестивалга 59 мамлекеттен 240тан ашык музыканттар менен артисттер келген.
Ал эми биринчи орунга Түштүк Корея менен Өзбекстандан барган эки ансамбль татып, 7 миң доллар менен сыйланышты.
Баш байге болсо Азербайжандан келген музыканттар Сахиб Пашазаде менен Камран Каримовго буюрду.
"Шарк тароналари" музыкалык эл аралык фестивалы 25-августтан 30-августка чейин Самарканд шаарында өттү. Ал биринчи жолу 1997-жылы маркум президент Ислам Каримовдун демилгеси менен уюштурулган.
