Кыргыз кино өнөрүндөгү кыз-келиндер жөнүндө китеп чыкты

© Sputnik / Н. Зубов / Медиабанкка өтүүКыргызстандын кинотармагында эмгектенген атактуу режиссер Динара Асанованын архивдик сүрөтү
Кыргызстандын кинотармагында эмгектенген атактуу режиссер Динара Асанованын архивдик сүрөтү - Sputnik Кыргызстан
Жазылуу
Китептин бет ачары 23-июнда Бишкек шаарындагы Кино үйүндө өтөт.

БИШКЕК, 10-июн. — Sputnik. Жакында кыргыз кино өнөрүндөгү режиссер кыздар туурасында кино альбом коомчулукка тартууланат. Бул туурасында Кинематографты өнүктүрүү фондусунан кабарлашты.

Анда Кыргызстандын кинотармагында эмгектенген атактуу Динара Асановадан тарта азыр кинорежиссерлукту аркалап келе жаткан кыз-келиндерге чейин баяндалат.

"Алардын иштери атактуу делген Канн, Берлин, Венеция, Берлин жана Монреалдагы эл аралык кинофестивалдарга катышып, байгелүү орундарды алып келе жатат", — деп айтылат маалыматта.

Китепти чыгаруу идеясы "Роза Отунбаванын демилгеси" эл аралык коомдук фондусуна таандык.

"Максат — кыргыз киносундагы таланттуу кыз-келиндерди өсүп келе жаткан муундарга тааныштыруу жана бул өнөргө кызыккандарга кол сунуу", — деп жазылган маалыматта.

Китептин бет ачары 23-июнда Бишкек шаарында Кино үйүндө өтөт.

Жаңылыктар түрмөгү
0