Желаледдин Руминин чыгармалары кайрадан кыргызча "сүйлөдү"

© Фото / Жылдызбек ТурсунбаевТворческий вечер акына и переводчика Алтынбека Исмаилова
Творческий вечер акына и переводчика Алтынбека Исмаилова - Sputnik Кыргызстан
Жазылуу
XIII кылымда жашаган, суфисттик-мистикалык поэзиянын ири өкүлү Мевлана Желаледдин Румиге арналган кечеге акын-жазуучулар, адабиятчы, илимпоздор катышты.

БИШКЕК, 27-май — Sputnik. Кыргыз-Түрк "Манас" университетинде акын, котормочу Алтынбек Исмаиловдун "Мевлана" аттуу китебинин бет ачар аземи жана поэзия кечеси болуп өткөнүн иш-чаранын уюштуруучулары билдирди.

Улуу жазуучу Чыңгыз Айтматовдун архивдик сүрөтү - Sputnik Кыргызстан
Чыңгыз Айтматов атындагы сыйлыкка 11 номинация боюнча сынак жарыяланды
Поэзия майрамынын биринчи бөлүгүндө Таалайгүл Ташманбетова жетектеген "Жан дүйнө" адабий клубунун таланттуу мүчөлөрү Мевлананын кыргызчага которулган ырларын сахналаштырып көркөм окушту. Андан соң кеченин каарманы Исмаилов жаңы китептин жазылыш таржымалы тууралуу баяндады.

Маалыматка ылайык, эмгек эки бөлүмдөн турат. Биринчисинде Руминин өмүрү жана чыгармачылыгы жөнүндө чагылдырылса, кийинки бөлүмүндө улуу сопунун адамзатты аруулукка, жаратканды таанууга жана өзүн-өзү табууга үндөгөн тамсилдери, рухий икаялары, философиялык саптары берилген.

"Мен ушул китепке сегиз жылдык өмүрүмдү арнадым. Анткени котормонун эң татаалы — бул ыр таржымалдоо. Ошондуктан акындын ырларын кыргызча сүйлөтүү мен үчүн оңойго турган жок", — деди автор.

Ачылыш аземде сөз сүйлөгөн тарыхчылар, философтор, адабиятчылар аталган китептин чыгышы кыргыз адабияты үчүн чоң жаңылык болгондугун баса белгилешти.

XIII кылымда жашаган, суфисттик-мистикалык поэзиянын ири өкүлү Мевлана Желаледдин Румиге арналган кечеге акын-жазуучулар, адабиятчы, илимпоздор катышты.

Жаңылыктар түрмөгү
0