Бишкекте Европанын жаңы тасмалары акысыз көрсөтүлөт

© Sputnik / Илья Питалев / Медиабанкка өтүүРабота кинотеатра "Люксор" в Москве
Работа кинотеатра Люксор в Москве - Sputnik Кыргызстан
Жазылуу
Европалык киночулардын он тасмасын "Манас" кинотеатрында көрсөтүлөт.

БИШКЕК, 8-май. — Sputnik. Бишкекте 11-14-май күндөрү Европа тасмаларынын фестивалы болоорун КРдеги Европа биримдигинин өкүлчүлүгүнүн маалымат катчысы Аскарбек Эркебаев билдирди.

Анын айтымында, тасмалар "Манас" кинотеатрында көрсөтүлөт.

"Бардык каалоочулар 10 тасманы орус тилиндеги субтитрлар менен көрө алат. Болгону билеттерди Ticket.kg сайты аркылуу ээлеп коюу зарыл. Бир адам алтыдан ашык билет брондой албайт", — деди Эркебаев.

Тасмалар Улуу Британия, Германия, Франция, Италия, Чехия, Словакия, Словения, Венгрия, Испания жана Эстония мамлекеттерине тиешелүү.

Европа күнүнө жана Европа биримдигинин 60 жылдыгына арналган фестивалды КРдеги Европа биримдигинин өкүлчүлүгү жана ага кирген мамлекеттердин элчиликтери менен бирге уюштурду.

Жаңылыктар түрмөгү
0