22:30 24 Кулжа 2018
Түз эфир
  • USD68.2440
  • EUR79.6305
  • RUB1.0791
Кентавр кинотасмасынан алынган кадр. Архивдик сүрөт

"Кентавр" тасмасы Франциядагы беш континенттин фестивалына чакырылды

© Фото / Эркин Болжуров
Маданият
Кыскача шилтеме алуу
9611

Фестивалда кыргыз фильмин кошкондо жалпы 45 тасма ат салышат.

БИШКЕК, 8-апр. — Sputnik. Режиссер Актан Арым Кубаттын "Кентавр" тасмасы Франциядагы "Беш континенттин фестивалына" чакырылды. Бул тууралуу Кинематографияны колдоо уюму билдирди.

Маалыматка ылайык, иш-чара Франциянын Ферне-Вольтер, Жекс, Швейцариянын Женева, Версуа жана Сербиянын Белград шаарларында уюштурулат.

"Аталган фестиваль 12 жыл мурун Франциянын "Маданият жана кино" ассоциациясы тарабынан түзүлүп, быйыл 17-майдан 28-майга чейин өткөрүлө турган болду. Фестивалда "Кентавр" кыргыз фильмин кошкондо жалпы 45 тасма ат салышат", — деп жазылат маалыматта.

Фильмде Актан Арым Кубат башкы ролду ойнойт. Мындан тышкары, тасмага Болот Тентимишов, Таалайкан Абасова, Зарема Асаналиева, Илим Калмуратов тартылган.

"Кентавр" — өз элинин улуттук баалуулуктарынын сакталып калышына жан үрөгөн адам тууралуу тасма.

Учурда бул тасма Бишкек шаарында көрүүчүлөрдүн назарына сунушталууда.

Тема боюнча

Актан Арым Кубат: "Кентавр" тасмасынын өзөгү болгон окуядан алынган
"Кентавр" тасмасы европалыктарга тартууланат
Актан Арым Кубат: көз карандысыз калыстар "Кентавр" тасымасын жогору баалашты
Белгилер:
кино тасма, фестиваль, Актан Арым Кубат, Кыргызстан
Колдонуу эрежелериПикирлер

ЭҢ МААНИЛҮҮ