Бишкекте манты фестивалы өтөт

© Sputnik / Александр Кряжев / Медиабанкка өтүүАгрохолдинг "Птицефабрика "Октябрьская"
Агрохолдинг Птицефабрика Октябрьская - Sputnik Кыргызстан
Жазылуу
Манты сатуудан түшкөн каражат жүрөгүнө операция жасала турган 8 жашар Байэл Сеидесиновдун жакындарына берилет.

БИШКЕК, 28-мар. — Sputnik. Бишкектеги ресторандардын биринде 30-март күнү “Манты фестивалы” деп аталган кайрымдуулук акциясы өтө турганын Sputnik Кыргызстан агенттигине эс алуучу жайдын башчысы Асел Акчабаева билдирди.

“Эртең мененки саат 9.00дөн түнкү 12ге чейин ар түрдүү мантыларды сатабыз. Анын ичинде эт менен, козу карын, жусай, сыр, шпинат, балык менен жасалган кара жана ар кыл түстөгү мантылар бар”, — деди ал.

Полки милосердия Мээримду журок (Доброе сердце)  в супермаркетах Оша - Sputnik Кыргызстан
Оштун дүкөндөрүндө жардамга муктаждар үчүн текче ачылды
Манты сатуудан түшкөн каражат жүрөгүнө операция жасала турган 8 жашар Байэл Сеидесиновдун жакындарына берилет.

“Балага ушул жуманын аягында операция жасалат. Баасы 250 миң сомдун тегерегинде экен. Ушу тапта 87 миң сом чогултуу керек”, — деди Акчабаева.

Эстрада ырчысы Самат Долотбаков жардамга муктаж Байэл тууралуу соцтармакка жарыялаган. Facebook тармагында пост #поможемБайэлю деген хэштег менен жайылтылууда.

Жаңылыктар түрмөгү
0