Кыргызстандык жигит сулуулук сынагында "Үмүткөр" титулуна ээ болду

© Фото / Askar DumanaevMister Universal Ambassador — 2016 сынагында КР атынан катышкан Нурсултан Айталиевдин архивдик сүрөт
Mister Universal Ambassador — 2016 сынагында КР атынан катышкан Нурсултан Айталиевдин архивдик сүрөт - Sputnik Кыргызстан
Жазылуу
Эркектер арасындагы Mister Universal Ambassador эл аралык сынагы быйыл экинчи жолу өтүп жатат. Ал эми Кыргызстан ага биринчи жолу катышты.

БИШКЕК, 3-окт. — Sputnik. Mister Universal Ambassador — 2016 сынагында КР атынан Нурсултан Айталиев чыгып "Чоң үмүт берген модель" титулун жеңип алганы сынактын расмий сайтына жарыяланды.

Кыргызстандык модель Карина Малая Дүйнө модели эл аралык сынагына катышат - Sputnik Кыргызстан
КР сулуусу "Дүйнө модели" сынагына алгач ирет катышат
Финалдык сынак дем алыш күндөрү Индонезиядагы Сурабая шаарында өттү. 

48 мамлекеттен барган катышуучулар 10 күн бою "эң сулуу" жана "эң дипломаттуу" наамдары үчүн ат салышты. Натыйжада Mister Universal Ambassador титулунун жеңүүчүсү болуп 24 жаштагы сербиялык Алекс Гаврилович атыкты. Ал эми алдыңкы үчилтикке Вьетнам, Перу жана Доминикан республикасынын өкүлдөрү кирди. Кыргызстандык катышуучу "Чоң үмүт берген модель" сыйлыгына татыктуу болуп кайтты. 

Нурсултан Айталиев жергиликтүү моделдик агенттиктердин биринде директор болуп эмгектенет. Ал Мамлекеттик курулуш, транспорт жана архитектура университетинде стилист-дизайнер кесиби боюнча билим алууда. 

Эркектер арасындагы Mister Universal Ambassador эл аралык сынагы быйыл экинчи жолу өтүп жатат. Ал эми Кыргызстан ага биринчи жолу катышты. 

Жаңылыктар түрмөгү
0