БИШКЕК, 29-июн. — Sputnik. "Этно-Ош" эстрада-фольклордук тобу Казакстанда өтө турган эл аралык этно-джаз жана "Кымыз мурундук" фольклордук-этнографиялык фестивалга катышуу үчүн Астанага жөнөп кетти. Бул туурасында Ош шаарынын мэриясынын маалымат кызматы кабарлады.
Аларды жергиликтүү аткаминерлер, шаардыктар шаан-шөкөт менен узатты.
"Этно-Ош" чыгармачылык тобу 1-2-июль күндөрү Астана шаарында өтүүчү эл аралык этно-джаз фестивалында үч чыгарма менен талантын тартуулайт. Ал эми 4-5-июль "Кымыз мурундук" фестивалына фольклордук жанрдагы чыгармалар менен катышат. Чыгармачылык топтун сапардык чыгымдарын Ош шаардык мэриясы көтөргөн.
Аталган топ өткөн жылы Ош шаардык маданият башкармалыгынын алдында түзүлгөн.
