БИШКЕК, 29-апр. — Sputnik. Бүгүн Алыкул Осмонов атындагы улуттук китепканада "Пишпек-Фрунзе-Бишкек борборуна 138 жыл" аттуу китеп-сүрөт көргөзмөсү өтөт. Бул тууралуу Улуттук китепканадан билдиришти.
Иш-чара "Тарых жана маданият жылынын" алкагында Кыргызстандын Улуттук китепканасы жана Бишкек мэриясы менен биргеликте уюштурулууда.
"Китеп-сүрөт көргөзмөдө мамлекеттик коомдук ишмерлердин, Компартиянын жетекчилеринин, окумуштуулардын, шаар башкаруучуларынын китептери, энциклопедиялык топтомдор, мамлекеттик архивдик материалдар, фотодокументтер, брошюралар, публицистикалык макалалар, тарыхый документтер коюлат", — деп айтылат маалыматта.
Иш-чара саат 12.30да Улуттук китепкананын фойесинде башталат.
