БИШКЕК, 23-апр. — Sputnik. Карамолдо Орозов атындагы академиялык эл аспаптар оркестринин чоң концерттик программасы 3-майда тартууланат. Бул тууралуу Sputnik Кыргызстан агенттигине филармониянын адабий бөлүмүнүн жетекчиси Улан Зайнидинов билдирди.
Концерттик иш-чара Тарых жана маданият жылы менен филармониянын 80 жылдыгына карата өткөнү жатат.
"Анда дүйнөлүк классикага айланган Моцарт менен Чайковскийдин чыгармалары жана кыргыз композиторлорунун ыр-күүлөрү жаңырат", — деп билдирет Зайнидинов.
Концерт саат 18.30да башталат.