БИШКЕК, 21-апр. — Sputnik. Калый Молдобасанов атындагы Мамлекеттик консерваториясында бүгүн хор музыкалык концерти өтө турганын Маданият, маалымат жана туризм министрлигинин маалымат кызматы билдирди.
Концерттик иш-чара Тарых жана маданият жылына карата өткөрүлөт.
"Анда Кыргыз улуттук консерваториясынын аралаш хору менен Күрөңкеев атындагы мамлекеттик музыкалык орто кесиптик окуу жайы катышат", — деп айтылат маалыматта.
Хор музыкалык концерти саат 18.00дө башталат. Анын негизги максаты классикалык хор музыкасын жайылтуу болуп эсептелет.
