"Aзия MIX" ушул жумада КВНдин Жогорку лигасынын чейрек финалында оюн көрсөтөт

© Фото / Сергей Андрианов"Азия MIX" командасынын катышуучулары. Архив
Азия MIX командасынын катышуучулары. Архив - Sputnik Кыргызстан
Жазылуу
Буга чейин кыргызстандык команданын атаандаштары кимдер болору аныкталган. Эми кыргызстандык шайырлар менен тапкычтар жеңишти камсыз кылса, жарым финалга жолдомо алат.

БИШКЕК, 11-апр. — Sputnik. "Aзия MIX" командасы КВНдин Жогорку лигасынын чейрек финалында 15-апрелде оюн көрсөтөт. Бул тууралуу КВНдин расмий сайтында маалымдалды.

11-мартта 1/8 оюндары өтүп, кыргызстандыктар россиялык төрт команда менен ойноп, алдыга озуп чыгып, 200 миң рубль акчалай сыйлыкка да татыган.

"Ак тамак, Көк тамак" — комуз, рояль жана контрабастын коштоосунда
Чейрек финалдык оюнда КРдин командасы Москва мамлекеттик чоң циркинин курамасы, "Русская дорога" (АГПУ, Армавир) жана МФЮАнын (Москва финансы-юридикалык университети, Москва — Волгоград) курамасы менен ойнойт.

8-апрелде биринчи топтун командалары үчүн чейрек финал өткөн. Жарым финалга регламент боюнча эки команда өттү — "Доброжелательный Роман" (Санкт-Петербург) жана "Радио Свобода" (Ярославль). "Доброжелательный Роман" командасы биринчи орундан дароо жарым финалга өткөнү үчүн 400 миң рублга ээ болду. 

Бул сезондо 20 команда күч сынашууда. Былтыр октябрь айында "Азия MIX" КВНдин жогорку лигасынын финалына чыга албай калган.

Ал эми 2015-жылы "Голосящий КиВиН" музыкалык фестивалында байгеге татыган.

Жаңылыктар түрмөгү
0