БИШКЕК, 7-апр. — Sputnik. Бишкекте №4 искусство мектебинде "Жаш талант-2016" сынагы башталганын мэрия билдирди.
Тарых жана маданият жылына арналган иш-чара эстрадалык вокал жана эстрадалык-аспаптык аткаруу номинациялары боюнча өтүп, ага 7 жаштан 18 жашка чейин таланттар катышат.
Катышуучулардын өнөрүн Калый Молдобасанов атындагы улуттук консерватория менен Муратаалы Күрөңкөев атындагы мамлекеттик музыкалык училищенин окутуучулары баалайт.
Шаардык сынактын лауреаттарынын гала-концерти 21-апрель күнү өтөт. Ар бир номинацияда жеңишке жетишкен өнөрпоздор диплом жана акчалай сыйлык менен сыйланышат.
