23:06 18 Тогуздун айы 2021
Түз эфир
  • USD84.7961
  • EUR98.2024
  • RUB1.1914
Маданият
Кыскача шилтеме алуу
Дүйнөлүк көчмөндөрдүн II оюндары (244)
157 0 0

Кийинки жылы жайдын соңу, күздүн башталышы менен Кыргызстанда экинчи Дүйнөлүк көчмөндөр оюндары өткөрүү пландаштырылууда. Чакыруу 40 мамлекетке жөнөтүлдү.

БИШКЕК, 23-дек. — Sputnik. Кыргызстан кийинки жылы II Дүйнөлүк көчмөндөр оюндарын өткөрүүгө белсенип жатат. Былтыркы иш-чаранын ийгилиги эл аралык оюндарды масштабдуу, кеңири арыш алып өткөргүдөй кылып жаңы пландарды түзүүгө мүмкүнчүлүк берди.

Бүгүн көчмөндөр оюндарынын башталышына арналган салтанаттуу иш-чара өтүп, анда ири таймаштын концепциясы тартууланат. Уюштуруучулардын планы боюнча оюндар былтыркыдан айырмалуу болот. Көчмөндөр оюндарын өткөрүүдөгү 10 факты тууралуу Sputnik агенттигине мелдештин секретариаты айтып берди.

  1. Көчмөндөр оюндарына катышуу үчүн 40 өлкөгө чакыруу жөнөтүлдү.
  2. Былтыркы оюндарга келген мамлекеттердин баары катышууга макул болду.
  3. Болжол менен оюндар август-сентябрь айларында өтөт. Так мөөнөтү Кыргызстанда өтүүчү Түрк тилдүү мамлекеттердин кызматташуу кеңешинин саммитинен көз каранды. 
  4. Оюндардын ачылышына Түрк тилдүү мамлекеттердин кызматташуу кеңешинин өлкө башчылары катышат.
  5. Ачылыш салтанаты былтыркыга караганда шаан-шөкөттүү болот.
  6. Эл аралык мелдеш мурунку эле жерде — Ысык-Көл облусунда: Чолпон-Атадагы ипподром, Кырчын жайлоосу жана "Рух Ордо" этнокомплексинде өтөт.
  7. Ипподром реконструкцияланат, негизинен унаа токтотуучу жай кеңейет.
  8. Мелдеше турган спорттун түрлөрү өзгөрөт. Ат салышуучу оюндарга жаа атууну киргизүү сунушталып жатат, буга чейинкилерден айрымдары алып салынышы мүмкүн.
  9. Катышуучулар үчүн "Манас" аба майданын эле эмес, Ысык-Көлдөгү "Тамчы" аэропортун да пайдалануу каралууда.
  10. Оюндарды өткөрүүгө бюджеттен алты миллион доллар каралган.

Былтыр 9-14-сентябрь күндөрү Кыргызстандын демилгеси менен Биринчи Дүйнөлүк көчмөндөр оюндары өткөн. Анда спорттун 10 түрү боюнча 19 өлкөдөн келген спортчу ат салышкан.

Тема:
Дүйнөлүк көчмөндөрдүн II оюндары (244)

Тема боюнча

Атамбаев: II Дүйнөлүк көчмөндөр оюндары Ысык-Көл жээгинде өтөт
Кыргызстанда Көчмөн цивилизациясынын борбору түзүлөт
Белгилер:
мелдеш, спорт, салтанат

ЭҢ МААНИЛҮҮ