БИШКЕК, 27-ноя. — Sputnik. Жаш режиссер Мирлан Абдыкалыковдун "Сүтак" тасмасы Австралияда өткөн эл аралык фестивалда Азия киносун өнүктүрүү боюнча NETPAC уюмунун калыстар тобунун атайын байгесине арзыды. Бул тууралуу тасманын тең продюсери Алтынай Койчуманова билдирди.
Фестивалда Азия жана Тынч океан аймагынын чеберлери тарткан тасмалар катышып, иш-чаранын сыйлыктары кинематографияда "Азия Оскары" катары бааланат. Быйыл конкурска 22 өлкөдөн 39 фильм ат салышкан.
Жылкычы Табылды менен анын үй-бүлөсү жөнүндөгү тасма бир катар эл аралык кинофестивалдардын баш байгесин багындырып келген.
Ал эми октярда жарыяланган Американын кинематографиялык көркөм өнөр жана илим академиясы октябрда "Оскарга" талапкер тасмалардын тизмесине ылайык, "Сүтак" абройлуу кино сыйлыкка талапкер болуп саналат. Бардыгы болуп узун тизмеге 81 фильм кирген. "Сүтак" "Мыкты чет элдик тасма" категориясында ат салышмакчы.
