БИШКЕК, 2-ноя. — Sputnik. Үстүбүздөгү жылдын 3-4-ноябрь күндөрү Ысык-Көл облусунун Каракол шаарында "Ысык-Көл — манасчылардын алтын бешиги" аттуу республикалык фестиваль өтө турганын Эмгек, миграция жана жаштар министрлиги билдирди.
Маалыматка ылайык, Касымалы Жантөшев атындагы облустук драма театрында өтө турган иш-чаранын алкагында жаш манасчылардын сынагы менен кол өнөрчүлөрдүн жана сүрөтчүлөрдүн көргөзмөсү тартууланат.
Манас эпосун жана аны элдин калың катмарына жеткирген манасчылар тууралуу кеңири маалымат алууга шарт түзгөн фестивалга 10 манасчы, 16 акын жана жети жаш манасчы катышып, калыстар тобунун сынында болот.
