02:28 17 Теке 2018
Түз эфир
  • USD68.2447
  • EUR79.8190
  • RUB1.0962
Кыргыз боз үйүн ижарага берип акча тапкан англиялык ишкер

Кыргыз боз үйүн ижарага берип акча тапкан англиялык ишкер

фото предоставлено Тоби Файрловом
Маданият
Кыскача шилтеме алуу
33120

Мындай ишкердик менен алектенүү ою Кыргызстанга келип кеткенден кийин пайда болгон. Боз үйдө өткөргөн эки түн аны бул ишке шыктандырганын айтат ишкер.

БИШКЕК, 10-авг. — Sputnik. Англиялык Тоби Файрлов өз өлкөсү үчүн адаттан тышкаркы болгон ишкердик менен алектенгенине 20 жылдан ашты. Ал ар кандай фестиваль, салтанаттар жана үйлөнүү үлпөттөрү үчүн боз үйдү ижарага берет. 

Файрлов Sputnik агенттигинин кабарчысына билдиргендей, анын компаниясы — боз үйдү жасап ижарага берүүчүлөрдүн эң алгачкыларынан. Боз үйдү Девон шаарында гана эмес, бүтүндөй Англия боюнча ижарага алып кетишет. 

  • Англичанин Тоби Файрлов 20 жылдан ашык убакыттан бери бул өлкө үчүн өөн көрүнгөн бизнес менен алектенетт. Ал боз үйдү фестваль, үйлөнүү тойлору үчүн ижарага берет
    Англичанин Тоби Файрлов 20 жылдан ашык убакыттан бери бул өлкө үчүн өөн көрүнгөн бизнес менен алектенетт. Ал боз үйдү фестваль, үйлөнүү тойлору үчүн ижарага берет
    фото предоставлено Тоби Файрловом
  • Анын компаниясы боз үйдү жасап, аны ижарага берип келет
    Анын компаниясы боз үйдү жасап, аны ижарага берип келет
    фото предоставлено Тоби Файрловом
  • Ишкердиктин мындай түрү менен алектенүү Кыргызстанга келип кеткенден кийин пайда болгон
    Ишкердиктин мындай түрү менен алектенүү Кыргызстанга келип кеткенден кийин пайда болгон
    фото предоставлено Тоби Файрловом
1 / 3
фото предоставлено Тоби Файрловом
Англичанин Тоби Файрлов 20 жылдан ашык убакыттан бери бул өлкө үчүн өөн көрүнгөн бизнес менен алектенетт. Ал боз үйдү фестваль, үйлөнүү тойлору үчүн ижарага берет

"Биз жакында ишибизди Европа өлкөлөрүнө жайылталы деп жатабыз. Андан тышкары, жыл сайын түрдүү фестивалдарга катышабыз. Бизде түрдүү көлөмдөгү 15 боз үй бар, жасалгалары да ар кандай", — дейт Файрлов.

Мындай ишкердик менен алектенүү ою Кыргызстанга келип кеткенден кийин пайда болгон. Боз үйдө өткөргөн эки түн аны бул ишке шыктандырганын айтат ишкер. 

"Мен өзүм үчүн эле бир боз үй жасайын дегем, баары ошондон башталды. Хелл деген досум экөөбүз баштаганбыз. Ал кезегинде Борбордук Азияны кыдырып жүрүп, бир боз үй сатып келген. Анын кандай жасаларын түшүнүп-билип алып, ишибизди баштадык", — дейт ал.

Боз үйдүн ижара баасы 329 фунт стерлингден баштап 2950гө чейин жетет. Кардарлар жетиштүү, себеби ар кандай фестиваль, үйлөнүү үлпөттөрү ж.б. иш-чаралар көп болот дейт Файрлов.

Ишкер Кыргызстанга акыркы жолу 2005-жылы келген. Анын дагы бир жолу келсем деген ою бар. Негизи Кыргызстанга келгенде ал толгон жакшы сезимдерге батып, эсте каларлык жагымдуу нерселер көп болорун айтат. 

"Кыргыз эли өзүнүн меймандостугу жана боорукерлиги менен дайыма таң калтырат", — деп сөзүн бүтүрдү ал. 

Боз үй — көчмөн элдердин салттуу турак-жайы. Ал тез жана оңой чечилип, тигилет. Жүктөп ташууга да жеңил келип, кийиз жабуулары суу өткөрбөйт, шамалдан коргойт. Боз үй ЮНЕСКОнун материалдык эмес маданий мурастар тизмесине кирген.

Боз үй — көчмөн элдердин салттуу турак-жайы. Аны Sputnik даярдаган инфографикадан көрүңүздөр>>

Тема боюнча

Кыргызстанда жыл сайын боз үй жумалыгын өткөрүү пландалууда
Белгилер:
Боз үй, Тоби Файрлов, Англия, Кыргызстан
Колдонуу эрежелериПикирлер

ЭҢ МААНИЛҮҮ