Алыкул акындын ырларын окуу эстафетасын ЭлТР жамааты 5-каналга узатты

© Жоомарт УраимовЭлТР facebook социалдык тармагында жайгаштырган эстафета видеосу
ЭлТР facebook социалдык тармагында жайгаштырган эстафета видеосу - Sputnik Кыргызстан
Жазылуу
Кыргыздын классик акынынын ырларынан турган ыр кесе жалпыга маалымдоо каражаттарынын дагы бирине узатылды.

БИШКЕК, 13-май — Sputnik. Акын Алыкул Осмоновдун 100 жылдык юбилейине арналган журналисттердин ыр окуу эстафетасын ЭлТР каналынын эмгек жамааты 5-каналга өткөрүп берди. 

ЭлТРдин журналисттери Алыкул акындын ырларын көркөм окуган 4 мүнөттөн ашык видеороликти социалдык тармакка жайгаштырды. Аталган ыр кесени телеканалга "Азаттык" радиосу узаткан. 

"Эми кезек 5-каналга узатылды. Биздин көркөм окууну көрүп коюңуздар!", — деп айтылат аталган телеканалдын Фейсбук социалдык тармагына жазган билдирүүсүндө. 

КР журналисттери Sputnik сайтынын социалдык эстафетасына активдүү катышууда
24-мартта Sputnik маалымат сайты Алыкул Осмоновдун ырларын көркөм окуу боюнча белгилүү инсандардын катышуусундагы видеодолбоорду баштаган.

Долбоордун алкагында Sputnik Кыргызстан сайтынын жамааты Осмоновдун ырын окуу кезегин кесиптеш журналисттерге социалдык тармактан узаткан.

Аталган демилге буга чейин Кыргызстандагы бир нече телеканалдардын, маалымат сайттардын, радиостанциялардын эмгек жамааттарында, журналисттер калкында уланган.

Жаңылыктар түрмөгү
0