Кыргызстандын саясатчылары кайсы музыкаларды сүйүп угат?

© Sputnik / Сергей Кузнецов / Медиабанкка өтүүКыргызстандын саясатчылары кайсыл музыкаларды сүйүп угат?
Кыргызстандын саясатчылары кайсыл музыкаларды сүйүп угат? - Sputnik Кыргызстан
Жазылуу
Кайсы музыканы жана ырчыларды жактырасыз деген суроого экономика министри Темир Сариевдин берген жообу эң күтүүсүз болду. Чиновниктин музыкалык тизмесинде Кыргызстандын белгилүү тенору Керим Турапов, опералык ариялар жана Алла Пугачева бар экен.

БИШКЕК, 22-апр. — Sputnik. Өлкөнүн премьер-министри Жоомарт Оторбаев атактуу The Beatles тобунун ырларын жактырат. Баса, быйыл Ливерпульдун бул тобуна 55 жыл толот.

Биринчи вице-премьер-министр Тайырбек Сарпашев кыргыз ырчыларын көп угат: саясатчыга өзгөчө жакканы — Рыспай Абдыкадыровдун аккордеондун коштоосундагы чыгармалары. Анын плей-листинде ырчы жана обончу Асанкалый Керимбаев да бар.

Бишкектин мэри Кубанычбек Кулматов жандуу шаңдуураак ырларды жактырат: анын артык көргөндөрүнүн ичинде англиялык ырчы Сэм Смит, рок стилиндеги Deep Purple жана оор металл жылдызы Metallica бар. Костюм кийип, галстук тагынган аткаминердин ичинде чыныгы рокер жашырынып жүргөнүн ким билиптир!

Рок-музыкага Евразиялык экономикалык комиссия министри Данил Ибраев да кайдыгер эмес. Анын сүйүктүү аткаруучусу — Виктор Цой. Кыязы, чиновниктердин жүрөгү өзгөрүүлөрдү талап кылгандай.

Дастан Бекешевге таттуу үндүү Кайли Миноуг жагат. Баса, май айында австралиялык поп жылдызы 47 жашка чыгат.

Кайсыл музыкаларды жана ырчыларды жактырасыз деген суроого экономика министри Темир Сариевдин берген жообу эң күтүүсүз болду. Чиновниктин музыкалык тизмесинде Кыргызстандын белгилүү тенору Керим Турапов, опералык ариялар жана Алла Пугачева бар экен.

Депутат Данияр Тербишалиев болсо джазды артык көрөт. Депутаттын айтымында Жорж Бэнсондун, Элла Фитцжеральддын, Кейко Мацуинин гана ырларын укканда гана ал чындап эс алат.

Белгилүү ишкер айым Элвира Сурабалдиева попсадан тартып рокко чейин музыканын бардык түрүн жактырат. Биздин жаш аткаруучулардын ичинен ага жаккандары Каныкей, Гүлзат, Мирбек Атабеков. Улуу муундагылардан Сурабалдиева Саламат Сыдыкова менен Роза Аманованын ырларын угат.

Коомдук ишмер, теле алып баруучу Салтанат Саматова үчүн Sputnik суроосу бир аз күтүүсүз болду — анын сүйүктүү аткаруучулары ушунча көп экен! Бирок эң жакшы көргөндөрүм деп Салтанат Гүлнур Сатылганованы, Мирбек Атабековду жана Майкл Жексонду атады!

Вице-премьер-министр Дамира Ниязалиева кайсы музыканы жакшы көрө турганын көпкө чейин атай алган жок. Ал атамекендик эстраданы абдан жактырарын айтып, бирок эң сүйүктүүлөрүн атайм деп башка жакшы көргөндөрүн да таарынткым келбейт деди. Бирок Ниязалиевага Анна Германдын жана Александр Серовдун да ырлары жагат.

Жаңылыктар түрмөгү
0