Кыргыз поэзиясынын алп акыны Алыкул Осмонов бүгүн 100 жашка чыкмак

Жазылуу
Атактуу акын Алыкул Осмоновдун туулган күнүнө карата КТРКнын Биринчи радиосу акындын чыгармачылыгына арналган бир күндүк эфир уюштуруп жатат.

БИШКЕК, 21-мар. — Sputnik. 21-мартта кыргыз поэзиясынын классиги Алыкул Осмоновдун туулган күнүнө 100 жыл толду. Буга карата эртең менен акындар салтка айланып калгандай, Алыкул Осмоновдун Бишкек шаарындагы көрүстөнүнө барып куран түшүрүп, эскеришет.

КТРКнын Биринчи радиосунда бул күндү Алыкул Осмоновго арнап, поэзия күнү деп атап, эфирден өкмөт мүчөлөрү, ЖК депутаттары, акындын чыгармачылыгына урматтаган адамдар келип ыр окушат. 

"Эфирден кечке чейин Алыкулдун ырлары, анын текстине жазылган обондуу ырлар жана радионун фондусуна жазылып калган атактуу артисттердин көркөм окуусундагы чыгармалары берилет", — деп билдирди Биринчи радионун өкүлү Назира Абдукаимова.

"Алыкул Осмонов энциклопедиясы" акындын 100 жылдыгына карата жарыкка чыкты
Апрель айынын тогузунда Алыкул Осмоновго арналган республикалык марафон өтүп, андан түшкөн каражат акындык Чолпон-Ата шаарындагы жана туулган жери Каптал-Арык айылындагы үй-музейине жумшалат. Бул туурасында Маданият, маалымат жана туризм министрлигинен билдирди.

Алыкул Осмонов 1915-жылы 21-мартта Панфилов районундагы Каптал-Арык айылында туулган. Ал кыска өмүрүндө Кыргызстандын адабиятында өчпөс из калтырып кетти. Аны маалында кыргыздын Пушкини деп да аташкан. Осмонов ыргыз коомчулугун биринчилерден болуп Пушкиндин, Лермонтовдун, Крыловдун, Шекспирдин, Руставелинин чыгармалары менен тааныштырган.

Быйыл Алыкул Осмоновдун 100 жылдык юбилейи мамлекеттик деңгээлде белгиленмекчи. Жакында эле анын юбилейине арналган "Алыкул Осмонов энциклопедиясы" жарык көрдү. 

Жаңылыктар түрмөгү
0