23:33 16 Үчтүн айы 2018
Түз эфир
Кыргызский государственный театр кукол имени Мусы Жангазиева

Куурчак театры аз камсыз болгон бүлөлөрдүн балдарына спектакль тартуулады

© Sputnik / Табылды Кадырбеков
Маданият
Кыскача шилтеме алуу
88 0 0

Муса Жангазиев атындагы куурчак театрында аз камсыз болгон үй-бүлөлөрдүн балдарына "Бакыт бардыгы үчүн" деп аталган спектакль тартууланды.

БИШКЕК, 30-янв — Sputnik. Бишкек шаарындагы Муса Жангазиев атындагы куурчак театрында аз камсыз болгон үй-бүлөлөрдүн балдары үчүн уюштурулган "Бакыт бардыгы үчүн" деп аталган спектакль болду. Бул майрамды Бишкек мэриясы, Свердлов районунун акимчилиги жана аталган театр биргелешип уюштурган. 

Муса Жангазиев атындагы куурчак театрынын жетекчиси Сатылган Сазаев бул акция жакында башталчу I Эл аралык куурчактар театрынын фестивалын утурлай өтүп жаткандыгын маалымдады. 

"Жакында бизде куурчак театрын сүйүүчүлөрдүн чоң майрамы башталып, эл аралык фестивал өтөт. Аны утурлай бир нече иш-чараларды жасап, балдарды, ата-энелерди театрга тартуу максатын көздөп жатабыз. Бүгүнкү спектакль Бишкек шаарынын Свердлов районунун аймагында жашаган аз камсыз болгон үй-бөлөлөрдүн балдары жана кароосуз калган балдарды тарбиялоочу жайлардан келгендер үчүн коюлду. Учурда коомдо балдарга карата оозго алмак турсун, ойго келбеген орунсуз иштер жасалып жатат. Биз андай жаман иштерге болгон мамилебизди сөзсүз эле көчөгө чыгып, кыйкыруу менен эмес, тарбия аркылуу, сахнага алып чыккан спектаклдерибиз аркылуу көрсөтүүнү максат кылдык. Биз койгон оюнда башкы каарман чычкан – ар кыл жерди кыдырып келип, бактыны, мээримди өз үйүнөн, өзүнүн кичинекей бурчунан табат. Демек, муну менен балдарга баарынан жакындары артык экенин көрсөтсөк, чоңдорго балдарга мээрим төгүүнү, камкордук кылууну унутпасак деген ойду айткыбыз келди", — деп айтып берди театрдын директору Сатылган Сазаев Sputnik маалымат сайтынын кабарчысына.

Белгилер:
балдар, Куурчак театры, Сатылган Сазаев
Колдонуу эрежелериПикирлер

ЭҢ МААНИЛҮҮ