Жантөшевдин тандалган чыгармалары 5 томдук болуп кайрадан басылды

Жазылуу
Касымалы Жантөшевдин 30 жылдан бери кайра басылып чыга элек чыгармалары 5 томдук болуп, миң нуска менен басылды.

БИШКЕК, 19-дек — Sputnik. "Каныбек" сыяктуу тарыхый романдын автору кыргыз жазуучусу Касымалы Жантөшевдин 30 жылдан бери кайта басыла элек чыгармалары кайтадан басылды. Бул тууралуу Жогорку Кеңештин төрагасы Асылбек Жээнбеков парламенттин координациялык кеңешинде билдиргенин парламенттин маалымат кызматы кабарлады.

"Өз маалынын белгилүү классик жазуучуларынын бири Касымалы Жантөшевдин 30 жылдан бери кайра басылып чыга элек тандалган чыгармаларын кайра чыгаруу оңой иш эмес", — дейт Жээнбеков.

Архив: дом музей Алыкула Осмонова - Sputnik Кыргызстан
Тынчтыкбек Нурманбетов: Кийинки жылы кыргыз китептеринин сериясы басылат
Депутат Курмантай Абдиев Касымалы Жантөшевдин "Каныбек" романы, "Эки жаш" повести сындуу бир топ чыгармалары республика аймагындагы китепканаларда дээрлик калбай калган. Аны кайра басып чыгаруу мамлекеттик иш-планга киргизилип, өкмөттүн алдында уюштуруу комитети түзүлгөн. Анын курамында депутаттар – Курмантай Абдиев менен Максат Сабиров да бар. 

Чыгармаларды кайтадан басып чыгарууга ЖК төрагасынын фондунан каржылык көмөк көрсөтүлгөн.

Жазуучунун тандалган чыгармалары республика аймагындагы китеп сүйүүчүлөргө, облустук китепканаларга, мамлекеттик китепканаларга, жогорку окуу жайлардын китепканаларына таркатылды.

Жаңылыктар түрмөгү
0