08:10 20 Кулжа 2018
Түз эфир
  • USD68.3208
  • EUR78.9344
  • RUB1.0664
Эркиндик проспекти. Архивдик сүрөт

Амансызбы, бурадар? Өлкөдө 10.15. Карап, карап, кайрадан сени самап...

© Sputnik / Табылды Кадырбеков
Бурадар
Кыскача шилтеме алуу
57 0 0

Кутман таң! Сыртта жаан, туман. Ага карабай баарыңарга жылуу маанай каалайбыз!

Жаз келди деп делбектеп кеттик окшойт, анын үстүнө жылына бүркөлүп, мына-мына жааны төгүп ийчүдөй болгон 8-март да жадырап-жайнап койду эле, дароо эле кышты узатып жибергенбиз. Бирок Жараткандын өзүнүн ойлогону бар окшойт…

Март айынын соңунда КСДПнын съезди өтөөрү маалым болду. Мурдагы президент Алмазбек Атамбаев аны жетектөөгө жалгыз талапкер экен.

Кызмат түбөлүк эмес. Өкмөттүн аппарат жетекчиси Нурханбек Момуналиев ээлеген кызматынан бошотулду. Себебин билгиңиз келсе шилтеме аркылуу кирип окуңуз.

Өкмөт башчыбыз катуу жинденген окшойт, бир катар министр менен административдик ведомстволордун жетекчилерине тартиптик жаза берүү боюнча буйрукка кол койду. Катуу сөгүш алгандардын арасында экономика, билим берүү министрлери бар.

Кыргызстанды башкарган мамлекеттик кызматкерлер тууралуу кызыктуу фактыларга да көз жүгүртүп койгула. Бул макалада аткаминерлер тууралуу бир топ маалымат камтылган.

Саясаттан сырткары. Талас облусунун бийик тоолорунда байырлаган ак илбирс фотокапканга түшүп калган. Тоо текенин этин аймап жаткан жырткычтын сүрөтүн көрүп койгула

Жанагы байкуш торпокту көтөрүп чапкан адам "Чыпалак баатыр" деген каймана аты менен элге таанылган Зарылбек Аликенов аттуу бала экен. Бул видео социалдык тармакта кызуу талкууга алынып, биздин кабарчылар видео кайда, качан тартылган билип көрүштү. "Атың чыкпаса жер өрттө" деген ушу да.

Соцтармактагы дагы башка кызыктуу, таң калычтуу видео, сүрөттөрдү кесиптешибиз Эламан Кармышаков топтоду. Макалада көө шыбашкан жубайлар, калпакчан жигитке жибиген кыздын видеосу да бар.

Күндүн көзү бул жума ачылбай калды го. Бүгүн да өлкөнүн көпчүлүк аймактарында жаан нөшөрлөп жаай турганы айтылды.

Валюта наркы. Сомдун баасы долларга карата орто эсеп менен 68.07(сатып алуу) жана 68.30 (сатуу) сомду түздү.

Мунай баасы. Бишкекте орточо эсеп менен алганда АИ-95 үлгүсүндөгүсү 44.50 сом, АИ-92 үлгүсүндөгүсү 41.80 сом, ал эми дизель майы 42.50 сомдон сатылууда.

Соңку сөз. Суук көздөн, суук сөздөн алыс бололу!

Эсенчилик каалап, Таалайгүл Усенбаева.

Белгилер:
кызмат, валюта, Мунай, Кыргызстан
Колдонуу эрежелериПикирлер

ЭҢ МААНИЛҮҮ