Амансызбы, бурадар? Өлкөдө 10:15. Апасынан кечирим сураган "Сириядагы согушкер"

Жазылуу
Бүгүн күнгө жума. Бул апта дагы билинбей эле аягына чыкты. Дем алыш күн ойдогудай өтсүн эми.

Нөшөргө карабай жол кыймылын жөнгө салган милиция үн катты. Социалдык тармактарда жаанга карабай жол кыймылын тескеген милицияга алкоо менен мактоолор айтылып жатат. Ал милицияны Sputnik Кыргызстан агенттигинин кабарчылары таап, сөзгө тартты. Азим Асанов аттуу милициянын кенже инспектору окуя кандай болгонун айтып берди. Өткөрүп жибербей бир көз салыңыз. 

Чүй облусундагы үйүнөн чыгып кеткен боюнча жоголуп, акыры Баткендин Кызыл-Кыясынан табылган балдар ал жакка кантип барып калганын милиция айтып берди.

Эгер жайында балаңызды кайсы жакка жиберериңизди билбей турсаңыз бул материал сиз үчүн. Бул жакта Кыргызстандагы лагерлердин жайгашкан жери, баасы толук жазылган. 

Бишкек шаарынын кунарсыз, көзгө жагымсыз көрүнгөн аймактары эми кулпуруп, шаардыктарды өзүнө тартарын мэриядан билдиришти. "Чыгыш-5" аймагы эми таанылгыс болуп өзгөрөт экен. Кең аллея, үч фонтан жана жер алдындагы автоунаа токтотуучу жай тургундардын ыңгайлуулугу үчүн жасалат.

Кадыр түн качан болору белгилүү болду. Муфтият Кыргызстанда 21-июндан 22-июнга караган түнү Кадыр түн болору аныкталганын билдирди.

Сирияда жүрүп апасынан кечирим сурап… Азыр аларды башка куралчандар курчап алганын жана мындан тирүү калбайт окшойм деген кыргыз бала апасынан кечирим сурады. Бирок бул видео чынында кайда тартылганы белгисиз.

Валюта наркы. Сомдун баасы долларга карата орто эсеп менен 68.24 (сатып алуу) жана 68.51 (сатуу) сомду түздү.

Мунай баасы. Бишкекте орточо эсеп менен алганда Аи-92 үлгүсүндөгү май 38.30 сом, Аи-95 үлгүсүндөгү бензин 41.20 сом, ал эми дизель майы 36.00 сомдон сатылууда.

Соңку сөз. Жакшыга жанашып, жамандан адашып жүрөлү. Расул Үсөналиев

Жаңылыктар түрмөгү
0