23:54 24 Тогуздун айы 2021
Түз эфир
  • USD84.7875
  • EUR98.7011
  • RUB1.1965
Кыскача шилтеме алуу
108 0 0

Бишкек шаарын каптаган туманга карабастан иш күнүбүз ийгиликтүү болсун.

Муз астында жашынып жаткан балыктарды кармаганга не жетсин. Кыргызстанда балык кармоо боюнча биринчи жолу мелдеш өттү. Кайырмагын алып, балыктын жемин камдап келгендер Ала-Арча суу сактагычында балык кармап жарышты. Кыштын кычыраган суугунда кайырмакты колго алып отуруу түшүнгөндөр үчүн бакыт жана эс алуу болсо керек. 

© Sputnik / Эмиль Садыров
Кыргызстанда балык кармоо боюнча алгачкы ирет өткөн жарыштын видеосу

Мушкерлерге калыстык кылган кыргыз кыз. Элестетиңиз рингде бука моюн буура сан болгон мушкерлердин мушташына көз салып жаткан калыс кыз болгонун… Бир чети "ии кантип?" деген суроо ар бирибизде эле болсо керек. Бирок, калыптанып калган мындай көз карашты Жамиля Боркоева бузгусу келет. Ал курсагындагы беш айлык баласы менен рингге чыгып, мушкерлердин беттешине кантип калыстык кылганын өзү айтып берди.

Студенттик кез кандай сонун. Ар бирибиз студент болгонбуз. Ал учурда бизге жаккан дагы, жакпаган дагы нерселер болот эмеспи. Өзгөчө тажатма докладдар, акыркы он сомуң менен сабакка келсең ал болбой калганда чындап жиниң келет. Студенттердин жинин дагы эмнелер кашайтарын бул жактан окуңуздар

Жарым кылым мурдагы Жалал-Абад. Тээ 1940-1950-жылдары Жалал-Абад шаары кандай болгонун билгиңиз келеби? Кинотеатр, парк, фонтан, автовокзал деги койчу коомдук жайлардын бардыгы бар. Мындан жарым кылым мурдагы Жалал-Абад шаарына саякатты биз менен чогуу жасаңыз.

Марат Исаевдин эрдигине бир жыл. Бир жыл мурун Москвадагы кыргызстандык мигрант менен полиция кызматкери метрого кулап калган аялды куткарып калышканы эсиңизде болсо керек. Мекендешибиз Марат Исаев менен полиция кызматкери Артем Королюк аялды сактап калган күндүн бир жылдыгын белгилешти. Дал ушул окуя Марат менен Артемду тааныштырып, аларды дос кылды.

Айылымдын ак таңдары эске түшөт… Ааламга жол айылдан башталат деп Чыңгыз Айтматов дагы бекеринен айтпаса керек. Айыл дегенде көпчүлүк кишиге туулган жери эсине келет да. Эртең менен келиндердин уй саап бадага кошкону, мал айдап талаага бараткан балдар. Ии деги койчу агарып аткан таңдан, кызарып баткан күнгө чейин эске түшөт. Эл оозуна алынып калган акын, журналист Зайырбек Ажыматовдун айылына жазган катын окуп бир чер жазгыла.

Валюта наркы. Бүгүн сомдун баасы долларга карата орто эсеп менен 69.20 (сатып алуу) жана 69.47 (сатуу) сомду түздү.

Мунай баасы. Бишкекте орточо эсеп менен алганда Аи-92 үлгүсүндөгү май 38.20 сом, Аи-95 үлгүсүндөгү бензин 40.70 сом, ал эми дизель майы 35.70 сомдон сатылууда.

Соңку сөз ордуна. Максатты бийик коюп, ага жетүү үчүн бардыгыңарга чыдамкайлык, талыкпаган эмгек жана ийгилик каалап Расул Үсөналиев.

Белгилер:
Бишкек, Жалал-Абад, Марат Исаев, валюта, мушташ, күйүүчү-майлоочу каражат, балык уулоо, ринг

ЭҢ МААНИЛҮҮ