Амансызбы, бурадар? Өлкөдө 10:15. Сай-сөөктү сыздаткан сасык тумоонун кесепети…

© Sputnik / Табылды КадырбековАялдамада турган шаар тургундары. Архив
Аялдамада турган шаар тургундары. Архив - Sputnik Кыргызстан
Жазылуу
Жаңы күндүн жарык нурун көрсөткөн жаратканга шүгүр келтирип, жашоо дарыясында сүзүүнү уланталы.

Биринчи байлык — ден соолук демекчи, алгач ден соолукка жакшылап көңүл буралы. Антпесек санаасы тынбаган сасык тумоо каптап эле келе жатат. Өчү бардай болуп жаш балдарга жабышканын кантесиң. Дал ушул сасык тумоонун айынан редакциябыздын теңи ишке чыкпай, жарым курам менен иштеп жатабыз. Бир кеңседе бир туугандай болуп калган соң, бир адам ишке чыкпай калса эле көңүл ток болбойт. 

Сасык тумоонун айынан 12 киши реанимация бөлүмүндө жатат, анын 10у — балдар. Жараткан өзү шыпаа берсин. Мындан сырткары, Чүй облусу боюнча 30, Жалал-Абадда үч мектеп карантинге жабылды

Бишкек шаарында болсо 13 жеке мектеп ишин токтотту

Ошентип жалпы өлкө боюнча 128 мектеп карантинге жабылды. Эмнеси болсо да балдар батыраак сакайып кетсин. 

Ал эми Sputnik Кыргызстан агенттиги сасык тумоодон оолак болуунун жолдорун сунуштайт

Ден соолукка көңүл бурган соң, кечээ күнкү маанилүү окуяларды барактайбыз. 

Өзбекстандагы президенттик шайлоодо өлкөнү убактылуу башкарып жаткан Шавкат Мирзиёев утуп, 15 миллион 900 миң шайлоочунун добушун алды. 

Лев Толстой – Логвиненко көчөлөрүнүн кесилишиндеги Бишкек жылуулук тармактарынын куурлары жайгашкан люктардын бирине түшүп кетип, эки сутка бою жаткан 39 жаштагы тургунду селсаяктар сактап калышты. 

© REUTERS / Russell CheyneПарк дикой природы в Кингусси, Шотландия
Парк дикой природы в Кингусси, Шотландия - Sputnik Кыргызстан
Парк дикой природы в Кингусси, Шотландия

Өткөн аптадыга өзгөчө ирмемдерди көрөм десеңиз бул сүрөт баян сиз үчүн

Валюта наркы. Бүгүн сомдун баасы долларга карата орто эсеп менен 69.17 (сатып алуу) жана 69.24 (сатуу) сомду түздү. 

Мунай баасы. Бишкекте орточо эсеп менен алганда Аи-92 үлгүсүндөгү май 36.80 сом, Аи-95 үлгүсүндөгү бензин 39.00 сом, ал эми дизель майы 35.80 сомдон сатылууда. 

Соңку сөз ордуна. Биринчи байлык — ден соолук. 

Жылмаюу бактылуулуктун эле эмес, күчтүүлүктүн да белгиси. Жылмайып гана жүрүшүңүздү тилеп Исмаил Мамытов.

Жаңылыктар түрмөгү
0