Эркектер тийишип... "Казакстан сулуусунун" финалисти идиш жууп иштеген видео

© Sputnik / Рамиль Ситдиков / Медиабанкка өтүүСулуулар сынагынын жеңүүчүсү. Архив
Сулуулар сынагынын жеңүүчүсү. Архив - Sputnik Кыргызстан
Жазылуу
Гүлнур 2017-жылы 17 жашында Кызыл-Ордодо эң сулуу кыз деп аныкталган. Эки жылдан соң сулуулардын улуттук конкурсуна катышкан.
БИШКЕК, 31-янв. — Sputnik. "Казакстан сулуусу – 2019" сынагынын катышуучусу Гүлнур Нуртаза Кызыл-Ордо шаарындагы кафелердин биринде идиш жууп иштеп жатат. Ал аргасыздан ушундай жумушка орношконун 365info.kz маалымат булагы жазды.
Интернетте сулуу наамын алган кыздын кафенин ашканасында сарымсак тазалап, идиш жууп иштеп жаткан видеосу тарады.
Видеону тартып жаткан адам ашканада иштеп жаткан  2017-жылы "Кызыл-Ордо сулуусу" сынагынын жеңүүчүсү Гүлнур Нуртаза экенин белгилейт. Ал өзү да сулуулар конкурсунун жеңүүчүсү экенин, учурда ушундай шарттагы жумушта иштеп жатканын айткан.
Гулнурдун тааныштары ал чынында эле оор тагдырды баштан кечиргенин, 19 жаштагы кыз ата-энесиз калгандан кийин колуна тийген жумуштарда иштеп жатканын айтышат. Эки жыл мурда атасы каза болсо, энеси эки ай мурда эле көз жумган.
Басылма Гүлнурдун сулуулугу анын жумушка орношуусуна кедергисин тийгизгенин: жетекчи-айымдар күйөөсүн азгырып кетет деп коркушса, ал эми эркек жумуш берүүчүлөр дароо эле интимдик мамилеге чакырышарын белгилеген.
Гүлнур 2017-жылы 17 жашында "Кызыл-Ордонун эң сулуу кызы" деген наамды жеңип алган. Эки жылдан соң сулуулардын улуттук конкурсуна катышкан.
Жаңылыктар түрмөгү
0