Кыргызстан коронавирусту жеңүү үчүн Кытайдын дарыгерлерин чакырды

© STRINGERРаспространение коронавируса нового типа в Китае
Распространение коронавируса нового типа в Китае - Sputnik Кыргызстан
Жазылуу
Саламаттык сактоо министрлигинин өкүлү азырынча кытай тарап Кыргызстандын сурамына жооп бере электигин белгиледи.

БИШКЕК, 26-мар. — Sputnik. Кыргызстан коронавирус менен күрөшүү үчүн кытайлык дарыгерлерден жардам сурады. Бул туурасында Коомдук саламаттык сактоо башкармалыгынын жетекчиси Айнура Акматова билдирди.

Учурда бул боюнча сүйлөшүүлөр жүрүп, тийиштүү иш-аракеттер жасалууда.

"Кытайдагы коронавирустун очогу болгон аймакта иштеген адистер менен телеконференция өткөрүлдү. Ошондой эле кытайлык дарыгерлерди биздин өлкөгө жиберүү өтүнүчү жазылган кат Тышкы иштер министрлиги аркылуу жөнөтүлдү", — деди Акматова.

Саламаттык сактоо министрлигинин өкүлү азырынча Кытай тарап катка жооп бере электигин кошумчалады.

Коронавирус Кыргызстанда

Коронавирус илдетинин алдын алуу максатында Кытай Эл Республикасы Кыргызстанга гуманитардык жардам көрсөттү - Sputnik Кыргызстан
Кытай Кыргызстанга гуманитардык жардам жеткирип берди. Сүрөт
Учурда Кыргызстанда коронавирус жуктуруп алган адамдардын саны 44кө жетти. Ош облусунда 20, Жалал-Абад облусунда 19, Бишкек шаарында үч, Чүй облусунда бир жана Баткен облусунда бир адам COVID-19 менен күрөшүүдө. Алардын ичинен алты кишинин абалы оорлошуп, реанимацияга которулду

25-мартта обсервацияда жаткан 2014 адамдын 1429у мөөнөтүнөн мурда үй карантинине чыгарылган.

Бишкек, Ош, Жалал-Абад шаарлары жана Ноокат, Кара-Суу, Сузак райондоруна 15-апрелге чейин өзгөчө абал киргизилди.

Учурда өлкө аймагындагы кырдаал тууралуу Sputnik Кыргызстандын тексттик баяндамасынан кабардар болуп туруңуз

Жаңылыктар түрмөгү
0