14:51 05 Чын Куран 2020
Түз эфир
  • USD84.8713
  • EUR91.6483
  • RUB1.0978
Азия
Кыскача шилтеме алуу
10097 0 0

Окуя Каскелен шаарындагы жеке клиникалардын биринде болгон. Буга чейин аял ал ооруканага кайрылып жүргөндүктөн, дарыгерлерине толук ишенген.

БИШКЕК, 18-фев. — Sputnik. Алматылык 59 жаштагы аял бетин тарттыруу максатында жасаткан пластикалык операциядан кийин каза болуп калды. Бул тууралуу Sputnik Казакстан агенттиги жазды.

Окуя Каскелен шаарындагы жеке клиникалардын биринде болгон. Буга чейин аял ал ооруканага кайрылып жүргөндүктөн, дарыгерлерине толук ишенген.

"Анткен менен ден соолугу анча жакшы болбогондуктан, балдары операциядан баш тартуусун суранышкан. Бирок аял тобокелдикке салып, сулуулукту тандаган. Тилекке каршы, операция учурунда комага түшүп, андан соң жүрөгү токтоп калган", — деп айтылат макалада.

Кийин полициянын териштирүүсү учурунда ар кайсы жери ооруп жүргөн аялдан тиешелүү анализдерди албай туруп операция жасалганы белгилүү болду. Ошондой эле операцияны жасаган хирургдун жана клиниканын мындай ишмердүүлүк жүргүзүүгө уруксат берген кагаздары жок болуп чыкты.

Мындан улам "Кесиптик милдетти туура эмес аткаруудан улам адам өмүрүнүн кыйылышы" деген беренеге ылайык кылмыш иши козголду. Аны Карасай райондук прокуратурасы карап жатат.

Тема боюнча

ЖМК: Ташкентте кош бойлуу келин пластикалык операциядан кийин каза болуп калды
Белгилер:
өлүм, аял, пластикалык хирургия, операция, Казакстан

ЭҢ МААНИЛҮҮ