Жол эреже экинчи ирет бузулса, автоунаа конфискацияланат. Казакстандагы демилге

© Sputnik / Ольга Головко / Медиабанкка өтүүЦентральная улица в Актау
Центральная улица в Актау - Sputnik Кыргызстан
Жазылуу
Казакстанда ичип алып айдагандарга талапты катуулатуу боюнча чаралар каралууда. Алардын Россия менен Белоруссиянын тажрыйбасын караштырып жатканы айтылды.

БИШКЕК, 28-окт. — Sputnik. Казакстанда айдоочулар үчүн талапты катуулатып, керек болсо автоунаасын конфискациялоону Россия менен Белоруссиянын тажрыйбасынан алууга ниеттенип жатышат. Бул туурасында Sputnik Казакстан жазды. 

Мындай мыйзамды киргизүү боюнча биринчи иш-аракеттер жасалып жаткандыгын Казакстандын ички иштер министринин биринчи орун басары Марат Кожаев билдирген.

Ал мыйзамдагы жаңылыктар президенттин тапшырмасы боюнча киргизиле тургандыгын тактады.

"Биздин жарандардын автоунааны айдоочулук күбөлүгү жок айдап жүргөн учурлары арбын. Автокөлүктү айдаган укугунан ажыратылса да руль башкарып жүрүшөт. Мындай фактылардан улам биз талапты катуулатуу мүмкүнчүлүктөрүн караштырып жатабыз", — деген Кожаев.

Министрдин биринчи орун басары Россия менен Белоруссиянын бул жааттагы тажрыйбаларын караштырып жаткандыктарын белгилеген. Анда жол эрежесин бир нече ирет бузган учурда айдап жүргөн автоунаасын конфискация кылуу каралууда.

Жолдогу автоунаалар. Архив - Sputnik Кыргызстан
Кыргыз номери менен Казакстанда эреже бузган айдоочуларга айып Бишкекке келет
"Биз ушундай жол менен барууну, бир катар тартип бузуулар боюнча санкцияларды катуулатууну карап жатабыз. Ириде бул мурда жол эрежесин бузуп, б.а. мас болуп алып автокөлүк башкарып жүргөндүгү үчүн айдоочулук күбөлүгүнөн ажыратылгандарга тиешелүү болот", — деп түшүндүрдү ал.

Кожаев депутаттардын учурда мыйзамга өзгөртүүлөрдү киргизүүнү талкуулап жаткандыгын кошумчалады.

27-октябрда Казакстандын президенти Касым-Жомарт Токаев мас болуп автоунаа айдагандарга карата талаптуу катуулатуу талабын койгон.

Жаңылыктар түрмөгү
0