03:47 22 Жетинин айы 2019
Түз эфир
  • USD69.8500
  • EUR77.4357
  • RUB1.0941
Ата баласы менен. Архивдик сүрөт

Казакстанда баласын куткарам деген ата автобуска урунуп көз жумду

© Sputnik / Табылды Кадырбеков
Азия
Кыскача шилтеме алуу
402 0 0

Шаардык полиция ата-бала жолдун чекесине чуркап чыга калганын айтты. Ал жерде жөө адамдар өтө турган чийин жок болчу. Кырсыктан атасы каза болуп, уулу реанимацияга түшкөн.

БИШКЕК, 19-окт. — Sputnik. Казакстандын Кызыл-Ордо шаарында жолго чуркап чыга калган уулун куткарам деп атасы автобуска урунуп көз жумду. Бул тууралуу Sputnik Казакстан агенттиги кабарлады.

Социалдык тармакка кайгылуу окуянын видеосу тарады. Кадрлар автобустун видеорегистраторунан алынган.

Анда көрүнүп тургандай, окуучу бала кокустан жолго чуркап чыга калган. Аны коргойм деп артынан чуркап чыккан атасы автобуска урунган.

Аймактык полиция департаментинин маалымат кызматы билдиргендей, окуя 17-октябрда саат 12:30да Кызыл-Ордо шаарында болгон.

"Коомдук транспорттун айдоочусу жолдун чекесине чуркап чыга калган 30 жаштагы эркек менен төрт жаштагы уулун сүзүп кеткен. Алган жараатынан атасы көз жумуп, уулу реанимацияга түшкөн. Айдоочу качып кеткен эмес, экспертиза дайындалды", — деп жазылат маалыматта.

Аталган факты боюнча Казакстандын кылмыш кодексинин 345-беренесинин 3-бөлүмү боюнча сотко чейинки териштирүү иштери башталды.

Аталган беренеге ылайык, кылмышка шектүү адам беш жылга эркинен ажыратылып, беш жылга чейин иштей албайт. Учурда териштирүү иштери жүрүп жатат.

Тема боюнча

Пермде автобустун жүргүнчүлөрүн сактап калган кыргызстандык таксист сыйланды
Лифтке асылып калган инисин аман алып калган кыз. Стамбулдагы видео
Белгилер:
ата-бала, окуя, Казакстан

ЭҢ МААНИЛҮҮ