Бердымухамедов ИИМ башчысын кызматтан алып, сыйлыктарын жоюп салды

© Sputnik / Рамиль Ситдиков / Медиабанкка өтүүМеждународная конференция "Политика нейтралитета: международное сотрудничество во имя мира, безопасности и развития" в Ашхабаде
Международная конференция Политика нейтралитета: международное сотрудничество во имя мира, безопасности и развития в Ашхабаде - Sputnik Кыргызстан
Жазылуу
Муликов министр болуп 2009-жылдын май айынан бери иштеп келе жаткан. 10 жыл ичинде бир нече ирет өлкө башчынын нааразычылыгын туудурган.

БИШКЕК, 2-окт. — Sputnik. Түркмөнстандын президенти Гурбангулы Бердымухамедов шейшемби күнү ички иштер министри, полициянын генерал-лейтенанты Исгендер Муликовду кызматтан алып, майорго чейин түшүрүп, мамлекеттик сыйлыктарын жокко чыгарып салды. Бул тууралуу түркмөн телевидениесине таянуу менен РИА Новости жазды.

Тиешелүү жарлыкка өлкө башчы өкмөт менен Коопсуздук кеңешинин чогуу өткөргөн жыйынында кол койгон.

"Бердымухамедов Муликовду кызмат абалынан кыянаттык менен пайдаланып, укуктарынан аша чаап колдонгону үчүн кызматтан алып жатканын айткан. Президенттин айтымында, Муликов майорго чейин ылдыйлап, бардык мамлекеттик сыйлыктарынан ажыратылмакчы. Өлкө башчы экс-министр буга чейин 12 ирет сөгүш алганын, бирок мындан эч бир жыйынтык чыгарбаганын айткан", — деп жазылат билдирүүдө.

Жаңы ички иштер министри болуп өнөр жай, транспорт жана байланыш маселелери боюнча вице-премьер Мамметхан Чакыев дайындалды.

Виджет news
Жаңылыктар түрмөгү
0