03:34 15 Тогуздун айы 2019
Түз эфир
  • USD69.8079
  • EUR77.0016
  • RUB1.0846
Эт тартуу. Архивдик сүрөт

Кыркылык берилбесин! Өзбекстан депутаттары той-аш өткөрүү тартибин сунуштады

© Sputnik / Актан Темирканов
Азия
Кыскача шилтеме алуу
738 0 0

Өзбекстандын Олий Мажилис сенаты жамандык-жакшылыктарды өткөрүүнүн жол-жобосун иштеп чыкты. Тагыраагы, үйлөнүү той менен өлүк көмүү боюнча айтылды.

БИШКЕК, 16-сен. — Sputnik. Өзбекстанда маркумду акыркы жайына узатуу менен үйлөнүү тоюна ашыкча чыгым болбой, көп убакытты албашы керек деп пландап жатышат. Бул туурасында Sputnik Өзбекстан жазды.

Олий Мажилис аталган иш-чараларды кантип өткөрүү керектиги жазылган Уставды иштеп чыккан.

Анда үйлөнүү тойдон бир жума мурда үлпөт болору тууралуу Махалля комитетине кабарланышы керек. Той бир күнү гана, болгондо да саат 06:00дөн 23:00гө чейин өтүшү кажет. Андан ары создуктуруп жиберүүгө тыюу салынат. Коноктордун саны — 200дүн тегерегинде болгону дурус. Абдан эле болбой бара жатса, санын 250-300гө чыгарганга уруксат. Ал эми үйлөнүү кортежиндеги автоунаа үчтөн ашпайт.

Андан сырткары, тойдо аксакалдарды сыйлоо, куда чакыруу, күйөө баланын курбуларын меймандоо, келинге жасалган септи көрсөтүү жана башка салт-санаа коштобошу керек. Депутаттар муну дагы ашыкча чыгым деп табышты.

Үйдөн өлүк чыкканда аны акыркы жайга узатууга келгендердин санын чектөө туурасында кеп болгон эмес. Бирок маркумду жерге бергенден кийинки иш-чаралар үч күндөн ашык уланбашы жана күрүч басып, тамак берүүнүн кереги жоктугу айтылган.

Мындан тышкары, жетилик, төрттүк, жекшембилик, жыйырмалык, кырктык, айт, жылдык, акча таркатуу, келин көрүү жана башка салт-санаа да жасалбашы шарт.

Бул Устав Олий Мажилистин эки палатасында тең каралган.

Тема боюнча

Түгөлбай Казаков: тойдун убактысын үч саат кылып кыскартуу керек
Белгилер:
той, үйлөнүү, өлүк, аш, Өзбекстан

ЭҢ МААНИЛҮҮ