13:16 19 Аяк оона 2019
Түз эфир
  • USD69.8460
  • EUR77.1205
  • RUB1.0841
Казакстандын полиция кызматкерлери. Архив

Шымкентте массалык башаламандык болду. Видео

© REUTERS / Shamil Zhumatov
Азия
Кыскача шилтеме алуу
Казакстандын Арыс шаарындагы жарылуу (12)
327 0 0

Шейшемби күнү Nur Otan партиясынын Шымкенттеги филиалына эл топтолгон. Алар Арыстагы жарылуудан кийин компенсация төлөп, үй менен камсыз кылууну талап кылышкан.

БИШКЕК, 27-июн. — Sputnik. Шымкентте митингге чыккандар Nur Otan партиясынын филиалынын алдына келип уюмдун желегин жулуп салышты. Бул тууралуу Sputnik Казакстан жазды.

Партиянын маалымат кызматынын жетекчиси Максим Споткайдын айтымында, желекти жулуп салгандарга карата арыз жазылбайт.

"Шымкенттеги филиал учурда штаттык режимде иштеп жатат. Митингге ким чыкканын, дегеле ушул суроого байланыштуу маселени тийиштүү органдар карасын. Учурда ал адамдар филиалда жок (желекти жулгандар — ред.). Эгер мыйзам бузулган болсо укук коргоочулар иш алып барсын", — деди Споткай.

Шейшемби күнү Nur Otan партиясынын Шымкенттеги филиалына эл топтолгон. Алар Арыстагы жарылуудан кийин компенсация төлөп, үй менен камсыз кылууну талап кылышкан.

Жарандар "Бекжан" ири рыногу менен "Ак мешіт" борбордук мечитине жакын трассаны буушкан. Алар Түркстан менен Шымкенттин акимдеринин сыртка чыгып, эл менен жолугушуусун талап кылышкан.

Шымкент шаарынын башчысы Габидулла Абдрахимов менен Түркстан облусунун акими Умирзак Шукеев эл алдына чыкканда, жарандар Арыстагы жарылуудан кийин үйлөрүнө баргылары келбей жатканын, себеби радиация коркунучтуу экенин билдиришкен. Ошондой эле компенсация төлөөнү талап кылышкан.

"Провокаторлорду укпагыла! Арыста эч кандай радиация жок. Жакынкы аралыкта сиздерге Арыста үй салынып берилет. Эртең же аркы күнү шаарга кирүүгө жол ачылат. Албетте, өтө жаман окуя болду. Кыйынчылыгыңыздарды түшүнөм. Биз, жалпы мамлекет сиздер менен, колдон келген жардамды берип жатабыз. Аскер кызматкерлери аймакты тазалап жатат. Алар күн-түн дебей иштешүүдө", — деди Умирзак Шукеев.

Облус акими Арыста бир айдай жашай турганын да айтты.

Интернеттеги маалыматтарга караганда, Шымкенттеги Аль-Фараби аянтында 50 адам чогулган.

"Сурамжылоодон кийин митингге чыккандардын бардыгы Арыста жашабай турганы белгилүү болду", — Түркстан облусунун акиминин кеңешчиси Сакен Калкаманов өзүнүн баракчасына жазды.

Посмотреть эту публикацию в Instagram

Публикация от |ATYRAU|KZ|06🌍 (@atyrauoil06)

Белгилей кетсек, жарылуу 24-июнь күнү саат 9.20ларда Казакстандын түштүгүндө жайгашкан Арыс шаарындагы №44856 аскер бөлүгүнө жайгашкан курал-жарак кампасында болгон. Элди ыкчам кызматтын адистери, ИИМ жана Коргоо министрлигинин өкүлдөрү эвакуациялаган.

Жарылууга аскер бөлүктө чыккан өрт себеп болгон. Үйлөр катуу жабыркап, элди 80 чакырым алыстыкта жайгашкан Шымкент шаарына эвакуациялашкан.

Жапа чеккен калаага өлкө башчысы да келип, кыска мөөнөттө каргашанын кесепетин жоюу тапшырмасын берген. Каражат мамлекеттик материалдык резервден бөлүнмөй болгон.

Тема:
Казакстандын Арыс шаарындагы жарылуу (12)

Тема боюнча

Ок-дары жарылып жаткан маалда көз жарып... Казакстандагы окуя
Белгилер:
митинг, Шымкент, Казакстан

ЭҢ МААНИЛҮҮ