Казакстанда Астанадан кийин дагы үч шаардын атын өзгөртүү сунушталды

© Sputnik / Табылды КадырбековКонтрольно-пропускной пункт "Ак-Жол"
Контрольно-пропускной пункт Ак-Жол - Sputnik Кыргызстан
Жазылуу
Саясатчылардын бири үч шаарга тарыхый инсандардын атын ыйгаруу демилгесин көтөрүп чыкты.

БИШКЕК, 25-мар. — Sputnik. Казакстандын "Ак жол" демократиялык партиясынын төрага орун басары Казбек Иса Астананын артынан дагы үч шаардын аталышын өзгөртүүнү сунуштады. Бул тууралуу РИА Новости жазууда.

Ал 25-март күнү "Казакстан - 2050" деп аталган Демократиялык күчтөрдүн жалпы улуттук коалициясынын жыйынында Петропавловск, Семей жана Павлодар калааларына казак элинин тарыхый инсандарынын атын берүүнү айтып чыккан.

"Петропавловск шаарына Абылай хандын, Павлодарга Кененсарынын, Семейге Алихан Букейхановдун атын берүү керек. Бул менин жеке оюм, аны фракция менен жыйындарда талкуулайбыз", — деди Иса.

Казакстандын полиция кызматкерлери. Архив - Sputnik Кыргызстан
Казакстанда Астананын атын өзгөртүүгө каршы митинг өтүп, ондогон киши кармалды
"Ак жол" - Казакстандын мажилисинде (төмөнкү палата) депутаттык фракциясы бар парламенттик партия.

Белгилей кетсек, 19-март күнү Нурсултан Назарбаев президенттиктен кетип, өлкө башчылыгына Касым-Жомарт Токаев дайындалган. Ал ант бергенден кийин эле Астана шаарын Нур-Султан деп өзгөртүүнү сунуштап, тийиштүү жарлыкка 23-март күнү кол койгон.

Жаңылыктар түрмөгү
0