Кыз жетишпейт. Корей жигиттерге бийлик Өзбекстандан колукту издөөдө

© REUTERS / POOLҮйлөнүү үлпөтү. Архив
Үйлөнүү үлпөтү. Архив - Sputnik Кыргызстан
Жазылуу
Атайы бөлүнгөн каражат колуктунун Өзбекстандан Кореяга учуп келип, болочоктогу күйөөсү менен жакындан таанышканга чейин бир канча убакыт жашап турушуна жумшалат.

БИШКЕК, 21-фев. — Sputnik. Түштүк Кореянын эркектери Өзбекстандан кыз алыш үчүн 3000-12000 доллар коротот. Бул өлкөнүн кыздарынын калыңы кымбат келет деп жазган The Straits Times.

Түштүк Кореяда элетте жашаган жалгыз-жарым эркектер үчүн атайын программа бар. Алар айылдан шаарга атайын көчүп келип, экинчи түгөйүн табышы керек.

"Ал эми кореялык жалгыз бой аялзаты деген болбогон кеп экендигин эске салабыз. Алардын 99 пайызы турмушка чыккан. Болбосо шаарга кетип калган же жанында жакшы көргөн түгөйү бар", — деп жазган басылма.

Обручальное кольцо на ладони - Sputnik Кыргызстан
Кувейтте никеси кыйылган түгөйлөр үч мүнөттөн кийин ажырашып кетти
Шаарда жашаган аялдар айылдык эркектерге башын байлаганды каалабагандыктан, мамлекет бул маселени чечүүнүн башка жолун издей баштаган. Ал — чет өлкөдөн колукту таап берүү. Өкмөт анын үйлөнүүсүнө 3000-12000 доллардын тегерегинде акча бөлүп берет.

Бул каражат колуктунун Өзбекстандан Кореяга учуп келип, болочоктогу күйөөсү менен жакындан таанышканга чейин бир канча убакыт жашап турушуна жумшалат.

Мындай никелердин 73 пайызы вьетнамдыктар менен түзүлөт экен. Андан сырткары, корейлик эркектер филиппиндик кыз-келиндерди, камбоджалык менен кытайлыктарды жактырышат экен.

"Анткен менен өзбекстандык кыз-келиндердин саны улам өсүп барат, себеби аларды "эң кымбат келинчектер" деп билишет. Изилдөөлөргө таянсак, көп кыздар негизинен иштеп, үй-бүлөсү, ата-энеси, бир туугандары үчүн акча табуу үчүн келишери белгилүү болгон.

Мындай көрүнүшкө каршы тургандар да четтен чыккан. Көпчүлүгү акчага соодалап сатып алуу гендердик теңсиздикти жаратат жана адам укугун кемсинтүүгө алып келет дешкен.

Император Акихитонун эки ата өткөн карындашы, Япониянын ханбийкеси Аяко Такамадо жөнөкөй жигитке турмушка чыкты - Sputnik Кыргызстан
Япон ханбийкеси титулдан баш тартып, жөнөкөй жигитке турмушка чыкты. Сүрөт
Адам укугу боюнча улуттук комиссиянын изилдөөлөрүнө таянсак, мигрант кыз-келиндердин 40 пайыздан ашыгы турмуш-тиричилик боюнча, ал эми 68 пайызы сексуалдык зомбулукка кабылган.

Бул жаш курак боюнча айырмачылыктын келип чыгышын да шарттай турганы айтылган. Статистика жергиликтүү күйөө балдардын орточо курагы 43,6 жаш, ал эми чет элдик колуктулардыкы 25,2 жаш болуп чыккан.

Бир катар аймактарда эгерде субсидия берип кыйылган нике бекем болбой, түгөйлөр ажырашып кетсе, мамлекетке акчанын жарымын кайтарып берүүгө туура келет.

Жаңылыктар түрмөгү
0