Казакстанда куран окутууга келген 58 киши этке ууланды

© Sputnik / Актан ТемиркановМясо в казане
Мясо в казане - Sputnik Кыргызстан
Жазылуу
Тамак үйдө жасалып, тийиштүү деңгээлде сакталган эмес

БИШКЕК, 12-мар. — Sputnik. Казакстандын Акмола облусунда 58 киши эттен ууланганын Sputnik Казакстан агенттиги жазды.

Башында Шортанды айылында уулануунун белгилери менен 45 киши дарыгерге кайрылганы айтылган. Эми аларды саны 58ге жетип, 15 киши ооруканага жаткырылса, 43 киши амбулатордук дарыланууда.

Города России. Омск - Sputnik Кыргызстан
Кочкор-Ата шаарында мештен чыккан иске ууланып үч адам каза болду
Аталган факты боюнча Акмола облусунун коомдун саламаттыгын сактоо департаменти тарабынан эпидемиологиялык текшерүү жүрүп, оорунун чыгуу себеби аныкталган.

Дарыгерлердин айтымында, уулангандар 6-мартта Шортанды айылында түштө куран окутууга барып, бышырлган эт жешкен. 5-мартта эт санитардык абалы начар болгон кампада бышырылып, ошол эле жерден устукандалган. Ал эми беш бармактын камыры Егемен деген айылда бышырылган. Устукандалган эт 10 сааттан ашык үйдүн температурасында сакталып, Шортанды айылындагы кафеге алып келинген.

Андан сырткары куран окутуу өткөн коомдук тамактануу жайы да текшерилген. Куран окутууга жалпысынан 150 киши келген. Алардын жарымы башка шаар, аймактардан келген.

Кыргызстанда ушундай эле тамакка уулануу Ош облусунун Кара-Суу районунда катталган.

Жаңылыктар түрмөгү
0