Казакстанда автобуста күйүп кеткен 52 адамдын тек-жайы четинен такталууда

© Sputnik / Андрей Стенин / Медиабанкка өтүүТез жардам автоунаасы. Архив
Тез жардам автоунаасы. Архив - Sputnik Кыргызстан
Жазылуу
18-январда Актөбө облусунда 57 жүргүнчү менен бараткан автобустан өрт чыгып 52 адам көз жумган. Каза болгондордун бардыгы өзбекстандыктар экени маалым болгон.

БИШКЕК, 19-янв. — Sputnik. Өзбекстандын Өзгөчө кырдаалдар министрлигинин сайтына Казакстандын Актөбө облусунда күйүп кеткен автобуста каза болгондордун болжолдуу тизмеси жарыяланды. Бул тууралуу Sputnik Казакстан агенттиги жазып чыкты.

Официальный визит президента КР Сооронбая Жээнбекова в Узбекистан - Sputnik Кыргызстан
Жээнбеков Актөбөдөгү автокырсыкка байланыштуу Мирзиёевге көңүл айтты
ӨКМдин маалыматына караганда, көз жумгандардын бардыгы Өзбекстандын Наманган облусунун тургундары болгон. Алардын эң улуусу 41, эң кичүүсү 19 жашта экени аныкталды. Тизмеде жалпысынан 29 адам көрсөтүлгөн. Жабыркаган эки адам дагы Наманган облусунун тургундары экени айтылат.

Буга чейин Казакстандын ички иштер министринин орун басары Ерлан Тургумбаев 52 адамдын өмүрүн алган өрт кырсыгы кокустук экенин айткан.

Каргашалуу окуя 18-январь күнү Самара — Шымкент унаа жолунун 1068-чакырымында, Калыбай айылынан 10 чакырым алыстыкта болгон. "Икарус" үлгүсүндөгү автобус жүрүп бара жаткан жеринен өрттөнүп, 57 кишинин бешөө гана аман калган.

Жаңылыктар түрмөгү
0