БИШКЕК, 17-авг. — Sputnik. Ташкент шаарындагы Оксарой резиденциясынын алдына Өзбекстандын биринчи президенти Ислам Каримовдун эстелиги орнотулганын Sputnik Өзбекстан агенттиги UzNews сайтына таянуу менен жазып чыкты.
Аталган резиденцияда Ислам Каримов атындагы кайрымдуулук фонду менен илимий-агартуучу мемориалдык комплекс иштейт.
"Эстелик расмий ачылгандан кийин жергиликтүү жана чет элдик жарандар анын алдына гүл коюп, биринчи президенттин ишмердиги менен тааныша алат", — деп жазылат маалыматта.
Андан сырткары, 16-августта Самарканд шаарында дагы Каримовго эстелик тургузулган.
Ал Өзбекстанды эгемендүүлүк алгандан бери 25 жыл бою башкарган. 2016-жылы 2-сентябра 78 жашында жүрөгү кармап каза болгон.
