Кытай дүйнөдөгү эң ири делген гидроучагын сыноодон өткөрдү

© AFP / STRЦеремонии открытия самолета-амфибии AG600 в Чжухае
Церемонии открытия самолета-амфибии AG600 в Чжухае - Sputnik Кыргызстан
Жазылуу
Кытай AG600 учагын өткөн жылдын июль айында куруп бүткөн. Ал өрт өчүрүүгө жана суу алдынан куткаруу иштерин жүргүзүүгө ыңгайлуу.

БИШКЕК, 1-май. — Sputnik. Кытай дүйнөдөгү эң ири деп эмептелген AG600 үлгүдөгү жерден да, суудан да учуп-коно ала турган гидроучагын сыноодон ийгиликтүү өткөрдү. Бул тууралуу РИА Новости Синьхуа агенттигине ишилтеме берүү менен жазып чыкты.

Сыноо иштери Гуандун провинциясындагы Чжухай шаарынын учуп-конуу тилкесинде жүрүп, учактын тормоз системасы, тең салмактуулугу, кыймылдаткычы текшерилген. Мындан тышкары, учак 180 градуска бурулууга жөндөмдүү келет. Самолеттун пайдалануу дататы так айтылган жок.

Пхеньян шаарында Түндүк Корея мамлекетин негиздеген Ким Ир Сендин 105 жылдыгына карата аскер парады - Sputnik Кыргызстан
Түндүк Корея парадда аскердик ракеталарын көрсөттү
Буга чейин Кытай АG600 өрт өчүрүүгө ылайыкташкан учакты майдын орто ченинде, ал эми жерден учкандарын май айында, суудан уча тургандарын 2017-жылдын экинчи жарымында сыноодон өткөрөөрү айтылган.

Кытай AG600 учагын өткөн жылдын июль айында куруп бүткөн. Ал өрт өчүрүүгө жана суу алдынан куткаруу иштерин жүргүзүүгө ылайыкташкан. Учакты чыгарган компания дагы 17 буйрутма алганы айтылууда. Баасы тууралуу маалымат берилген эмес.

Учакка төрт кыймылдаткыч орнотулган. Ал жалпы 53,5 тоннага чейин жүк көтөрүп, 20 тонна сууну 20 секундда толтурууга жөндөмдүү. Корпусунун узундугу 39,3 метр, канаттары 38,8 метр келип, 4,5 миң чакырым аралыкка чейин жүрө алат.

Жаңылыктар түрмөгү
0