16:59 20 Аяк оона 2017
Түз эфир
Абак. Архив

Ата-энесин тирүүлөй өрттөгөн өзбек жараны 16 жылга эркинен ажырады

© Sputnik / Табылды Кадырбеков
Азия
Кыскача шилтеме алуу
1528 0 0

Тергөөнүн жыйынтыгында Эгамов Россиядагы жумушунан кол жууп 2015-жылы Бухара кайтып, бирок жумушка орношо албай жүргөнү маалым болгон.

БИШКЕК, 27-дек. — Sputnik. Өзбекстандын Бухара облустук соту Фарход Эгамовду ата-энесин тирүүлөй өрттөгөнү үчүн 16 жылга эркинен ажыратты. Бул тууралуу РИА Новости кабарлады.

"Спирт ичимдигин ичип алган Эгамов ата-энеси менен уруша кетип, жыйынтыгында аларга күйүүчү май чачып өрттөп жиберген. Окуя учурунда туугандары жана коңшулары ортого түшүп катуу күйгөн карыган ата-энени жергиликтүү ооруканага жеткиришкен", — деп жазылат маалыматта. 

Тергөөнүн жыйынтыгында Эгамов Россиядагы жумушунан кол жууп 2015-жылы Бухара кайтып келген. Бирок жумушка орношо албай жүргөнү маалым болгон. Ал материалдык кыйынчылыктан улам ата-энеси менен көп урушчу деп түшүндүрөт прокуратура өкүлдөрү. 

Серепчилердин айтымында, бүгүнкү күндө Өзбекстандагы 32 миллион калктын 3 миллиону өлкөдөн тышкары ар кайсы жакта иштеп жүрүшөт, алардын көбү Россия жергесинде. 

2017-жылы Өзбекстанда 900 миңге чукул адамды, анын ичинде КМШ өлкөлөрүндө экономикалык каатчылыкка байланыштуу мекенине кайткысы келген 147 миң эмгек мигрантын жумуш менен камсыз кылуу каралууда. 

Тема боюнча

Адамды өлтүрө сүзүүгө шектелген жаран: жабыркоочу ооруканага баруудан баш тарткан
Ошто ата-энесине болушкан 25 жаштагы жигит эки кошунасын бычактап салды
Белгилер:
эмгек мигранттары, ата-эне, өкүм, сот, кылмыш, Өзбекстан

ЭҢ МААНИЛҮҮ