Назарбаев Казакстанда автократиялык режим өкүм сүрөт дегенге кошулбайт

© Sputnik / Михаил Воскресенский / Медиабанкка өтүүКазакстандын президенти Нурсултан Назарбаевдин архивдик сүрөтү
Казакстандын президенти Нурсултан Назарбаевдин архивдик сүрөтү - Sputnik Кыргызстан
Жазылуу
Өлкө башчы Казакстандын шартын, жашоосун ичинен эмес, гезиттерден окуп билгендер гана ушундай пикир айтышы мүмкүн деген ойдо.

БИШКЕК, 12-дек. — Sputnik. Казакстандын президенти Нурсултан Назарбаев өлкөдө автократиялык режим өкүм сүрөт дегенге кошулбайт. Бул тууралуу мамлекет башчы Казакстандын 25 жылдыгына арналган даректүү тасманын авторлоруна интервью берип жатып билдиргенин РИА Новости жазып чыкты.

Президенттин айтымында, Казакстандагы президенттик башкаруу, мисалы, Франциядагыга караганда кыйла жумшак.

"Ооба, бизде президенттик башкаруу. Аны ар ким ар кандай чечмелеп жүрөт. Айрымдар диктатордук же автократиялык деп атоодо. Бул Казакстандын шартын, жашоосун ичинен эмес, гезиттерден окуп билгендердин суу кечпеген сөзү", — деди Назарбаев.

Өлкө башчы убакыттын өтүшү менен мамлекетти башкаруу формасы өзгөрүшү мүмкүн экенин четке какпайт.

"Бүгүнкү күн үчүн биздин бийлик туура эле. Башкалар келип, шарттар өзгөрсө, башка стадияга өтөбүз. Убактысы келгенде кийинки кадамдарыбыз кандай болорун эл чечет", — деди президент.

Эскерте кетсек, Назарбаев Казакстанды 1989-жылдан тарта башкарып келет. Былтыр апрелде өткөн президенттик шайлоодо элдин 97,75 пайыз добушуна ээ болуп, жеңишке жетишкен.

Жаңылыктар түрмөгү
0