02:54 24 Бирдин айы 2017
Түз эфир
Казакстандын желеги жана герби, архивдик сүрөт

Үч күндөн кийин Казакстан Кыргызстан үчүн интернеттин баасын айтат

© Пресс-служба президента КР / Султан Досалиев
Азия
Кыскача шилтеме алуу
Кыргызстандагы интернеттин кымбатташы (25)
61 0 0

Монополияны жөнгө салуу мамлекеттик агенттиктин директорунун кеңешчиси Урмат Бектеналиевдин айтымында, акыркы жыйынтык жума күнү кечинде белгилүү болот.

БИШКЕК, 5-окт. — Sputnik. Кыргызстан үчүн интернет баасынын көтөрүлүшү боюнча сүйлөшүүлөр Алматы шаарында күндүн экинчи жарымында башталды. Казакстандын байланыш операторлору эмне үчүн бааны кымбаттатканын жана Кыргызстан үчүн интернеттин наркын кайта карап чыгуу себептерин айтып бериши керек. Бул тууралуу "Кыргызтелеком" ААКтын коммерциялык директору Кылыч Куталиев Sputnik Кыргызстан агенттигине билдирди.

24-сентябрда Астанада эки мамлекеттин Монополияны жөнгө салуу органдарынын өкүлдөрү Казакстандын төрт транзиттик байланыш операторлору менен жолуккан. Коңшу өлкөнүн операторлору он жумушчу күн ичинде интернеттин тарифин кайрадан карап чыгып, жаңы бааларды сунуштайбыз деп сөз берген. Ошондой эле эмне үчүн август айынын башында интернеттин баасын көтөргөнүн негиздеп түшүндүрүп беришмек.

"Казакстандык кесиптештер оң чечим чыгарат деп ишенем, себеби биз ЕАЭБдин мүчөсүбүз. Ал жакта негизсиз тариф саясатына орун берилбейт", — дейт Куталиев.

Монополияны жөнгө салуу мамлекеттик агенттиктин директорунун кеңешчиси Урмат Бектеналиевдин айтымында, казакстандык кесиптештер менен жолугуу үчүн мамагенттиктин директору Болсунбек Казаков өзү кеткен.

"Сүйлөшүүлөр саат үчтө башталган. Азырынча анын жыйынтыгы боюнча маалыматтар билине элек. Жолугушууда жетишилген нерселер боюнча үч күндөн кийин, жума күнү сөзсүз түрдө жарыяланат", — деди Бектеналиев.

Август айынын аягында Кыргызстандын операторлору казакстандык кесиптештеринен интернеттин транзити үчүн баанын 3-4 эсе кымбаттай турганы тууралуу билдирүү алган. Ошондон бери тийиштүү органдар абалды иликтеп келет.

Тема:
Кыргызстандагы интернеттин кымбатташы (25)

Тема боюнча

Казакстандык операторлор 10 күн ичинде интернетке жаңы тариф сунуштайт
Эгер Казакстан провайдерлери КР үчүн интернет баасын негизсиз көтөрсө, айып салынат
Белгилер:
интернет, Казакстан, Кыргызстан